The Definitive Guide to Living in the Capital , Cairo , Egypt

شرم الشيخ واحدة من أجمل الأماكن في مصر، بتتميز بالأسعار المناسبة والأنشطة الكتير اللي هتخلي تجربتك ماتتنسيش.. وفي الصيف ناس كتير بتسيب القاهرة وتطلع على شرم الشيخ.. علشان كده هنقول لكم على 5 أماكن مدهشة تقدروا تزوروهم في شرم الشيخ.

1- محمية رأس محمد

محمية رأس محمد موجودة في جنوب سيناء، وبتعتبر من أماكن السياحة الرائعة في مدينة شرم الشيخ. وبتتميز المحمية بالرمال الناعمة البيضاء والمياه الصافية الزرقاء ووجود أكثر من ألف نوع من الأسماك والشعاب المرجانية والسلاحف البحرية، وهناك هتقدر تمارس رياضة الغوص علشان تتفرج على أجمل مناظر في حياتك.

وبتضم المحمية كتير من المناطق والشواطئ زي: شاطئ السويس، البحيرة المسحورة، منطقة شقائق النعمان، حديقة ثعبان البحر، شعاب يولاندا المرجانية، قناة مانجروف.

2- خليج نعمة

من أشهر أماكن السياحة في شرم الشيخ، وفيه فيلم سينما شهير باسمه من بطولة غادة عادل. موجود عند ملتقى خليج العقبة والسويس وبتتميز شواطئه بالمياه الصافية والرمال الناعمة ده غير الأسماك الملونة والشعاب المرجانية اللي هتشجعك على رياضة الغوص أو إيجار القوارب الشراعية.

بيوفر الخليج متعة التسوق بالأسواق وشراء الماركات العالمية والتحف الأثرية.

3- محمية نبق

المحمية موجودة بالقرب من جبل سانت كاترين بين دهب وشرم الشيخ، وفيها كتير من الحيوانات زي الغزلان والطيور ومنها العقاب والنسور وطيور البلشون وده طبعًا غير الأسماك النادرة. وبتضم محمية نبق أنواع كتيرة من النباتات وأشهرها أشجار المانجروف اللي بيعيش في المياه المالحة وقليلة الملوحة.

بيعيش بالقرب من المحمية مجموعة من قبائل البدو اللي بيشتغلوا في السياحة وبيقدموا كل الخدمات في المحمية.

4- شاطئ رأس أم سيد

من أجمل الشواطئ في الجنوب، وبيطلق عليه كمان شاطئ الفنار. بيضم كتير من الأسماك والشعاب المرجانية اللي من السهل رؤيتها بالعين المجردة من غير ما تحتاج تعمل رياضة غوص في المكان، وده بسبب قربها من السطح وصفاء مياه الشاطئ.

وبيعتبر الشاطئ ده مناسب للأطفال. وبيتمتع الشاطئ بالهدوء والجمال.

5- السوق القديم

بيعتبر السوق القديم من أهم مزارات السياحة في شرم الشيخ، وله شهرة عالمية ومصنف عالميًا من أفضل 10 أسواق عالمية. وبيضم العديد من الأسواق التجارية وأماكن بيع الملابس والماركات العالمية وبازارات لبيع الهدايا والتحف والتماثيل الفرعونية. كمان السوق بيتميز بانخفاض أسعاره مقارنة بالأسواق التانية، وبيضم العديد من المطاعم المشهورة بتقديم كافة أنواع المأكولات ووجود الكافتيريات اللي بتعبر عن التراث البدوي والمصري عامة.