The Definitive Guide to Living in the Capital , Cairo , Egypt

يمكن تستغربوا أننا بنرشح لكم زيارة المتاحف المصرية في العيد! لكن الحقيقة أنها بتكون زيارة مفرحة ومبهرة في نفس الوقت، وبما أننا بنعشق تاريخ القاهرة والحضارة المصرية العظيمة فهنقولكم على أهم 3 متاحف فاتحين أبوابهم للزيارة في إجازة عيد الفطر 2024.

 

متحف الحضارة

المتحف القومي للحضارة موجود في مدينة الفسطاط وتقدروا هناك تتعرفوا على التراث المصري واللي بيوضح الحضارة المصرية عبر عصورها المختلفة بداية من عصور ما قبل التاريخ ومرورًا بالعصور المصرية القديمة والحديثة والمعاصرة، وهتلاقوا داخل المتحف آثار فرعونية ورومانية ويونانية وقبطية وإسلامية وغيرها.

سعر تذكرة المتحف القومي للحضارة للمصريين 80 جنيه وللطلبة 40 جنيه.

 

المتحف المصري بالتحرير

المتحف المصري بميدان التحرير بينقلكم من الحقبة الزمنية الحالية لعصر ما قبل التاريخ وبيعرفكم على أجدادنا الفراعنة اللي هتنبهروا بجمال صنعهم ومهاراتهم في التحنيط والرسم والنحت، وهتتعرفوا كمان على تاريخ الآثار الفرعونية وحضارة 7000 سنة وأسرار ماحدش وصلها غير القدماء المصريين، وهو مكون من دورين، الأول هتلاقوا فيه التوابيت وتماثيل كبيرة من الحجر الجيري والرملي ولوحات مختلفة، والثاني ففيها آثار من عصر الدولة الفرعونية الحديثة.

سعر تذكرة المتحف المصري 150 جنيه للكبار و75 جنيه لمن هم أقل من 21 سنة وللطلبة.

متحف الفن الإسلامي

أكبر متحف للفن الإسلامي، موجود في باب الخلق، وبيحتوي على ما يقرب من 100 ألف قطعة بتشهد على العصور الإسلامية المختلفة وتاريخها، وهتستمعوا هناك برؤية أدوات الفلك زي الإسطرلاب والشمعدانات المنسوبة لعصر المماليك، والطسوت والثريات والكراسي المطعمة بالفضة والذهب والزخارف الإسلامية وكمان هتلاقوا مفتاح للكعبة المشرفة من النحاس المطلي بالذهب والفضة.

سعر تذكرة متحف الفن الإسلامي 20 جنيه للكبار و10 جنيهات للطلبة.