The Definitive Guide to Living in the Capital , Cairo , Egypt

فيه ناس بتحب تجدد كل سنة الطريقة والمكان اللي بيحتفلوا بيهم بليلة رأس السنة، فيه اللي يحب يقضيها مع أهله، وفيه اللي يحب يقضيها مع أصحابه، وفيه اللي بيدور كل سنة على مكان جديد يستمتع فيه. والنهارده كايرو 360 بتقدم لكم فكرة جديدة بالاحتفال برأس السنة في صحراء الفيوم. وفيه أكثر مكان بينظم الرحلات دي زي “zowara زوارة” و” Dwellers Egypt” وكمان “شفشاون”.

تخيل نفسك في الصحراء وجنبك نار بيتشوي عليها الأكل وريحته طالعة، وفي إيدك كوباية شاي بالنعناع معمول على الفحم، وما بتفكرش في أي حاجة خالص وأنت باصص للنجوم ومذهول بجمالها. إحساس ما يتقاومش وفصلان كلنا محتاجينه، علشان نخرج من دوشة القاهرة والضغط بتاعها. وروتين الشغل كل يوم. اليوم هتقضيه في خيمة في الصحراء تبع زوارة، وهيقدموا لك طواجن مغربية ومصرية، وفطار تاني يوم لو حبيت تبات للصبح. المشكلة الوحيدة أن زوارة مش بيوفروا توصيل للقاهرة تقدر تنطلق بعربيتك أو تحجز وسيلة نقل خاصة لو هتيجي مع أصحابك لكن شفشاون بيوفروا مواصلات مع اختلاف السعر. أعرفوا كل التفاصيل من الإيفنت  الخاص بزوارة هنا، والإيفنت الخاص بشفشاون شامل المواصلات هنا والسعر مفاجأة.