The Definitive Guide to Living in the Capital , Cairo , Egypt

الصور: صفحة المتحف المصري الكبير على فيسبوك

المتحف المصري الكبير مش مجرد مشروع ضخم بنفتحه قريب، لكنه حلم حضاري بيتحقق بعد سنين من الشغل والتخطيط، وبوابة عصرية للتاريخ المصري العظيم. ومع اقتراب لحظة الافتتاح الرسمي، ناس كتير بدأت تسأل: كام سعر التذكرة؟ وهل في تخفيضات؟ وهل في فئات معفاة من الدفع؟

في كايرو 360، جمعنالك كل التفاصيل الجديدة اللي أعلنتها إدارة المتحف علشان تخطط زيارتك بكل وضوح.

أسعار تذاكر المتحف المصري الكبير:

للمصريين:

200 جنيه للفرد.

100 جنيه: للطلاب، الأطفال، وكبار السن.

للعرب والأجانب:

1200 جنيه (25 دولارًا) للفرد.

600 جنيه: للطلاب والأطفال.

زيارة خاصة (خارج المواعيد الرسمية):

250,000 جنيه تشمل حتى 50 شخص. يُضاف 5,000 جنيه لكل فرد إضافي. (ده غير قيمة التذاكر العادية لكل شخص حسب فئته).

وبداية من افتتاح قاعة توت عنخ آمون ومتحف مراكب خوفو، تذكرة الزائر الأجنبي هتكون 30 دولار بدل 25.

الفئات المعفاة من دفع تذاكر الدخول:

الأطفال أقل من 6 سنوات (مصريين وغير مصريين).

ذوي القدرات الخاصة.

أعضاء المجلس الدولي للمتاحف (ICOM).

المرشدين السياحيين المصريين بكارنيه ساري.

العاملين بوزارة السياحة والآثار.

أسر الشهداء والمحاربين القدامى بكارنيه ساري.

الصحفيين المعتمدين لدى وزارة السياحة والآثار.

السفراء المعتمدين وزوجاتهم.

وكمان: أعضاء هيئة التدريس والطلاب المصريين في تخصصات: آثار، تاريخ، حضارة، تراث، متاحف، سياحة، إرشاد سياحي، عمارة، فنون جميلة، فنون تطبيقية، تربية فنية (بشرط الدراسة في جامعة حكومية مصرية).