البدرشين.. تاريخ مدفون في قلب القاهرة
Mohammed Sabry
من وسط أماكن كتيرة في القاهرة، ماحدش واخد باله منها، حبينا نجذب الانتباه لمكان مهم في محافظ الجيزة. وهو مركز ومدينة البدرشين.
البدرشين مدينة مشهورة بصناعة الأثاث، ومصانع الزيوت والصابون. وأهلها مزارعين في المقام الأول. في المركز ده اتوجدت عاصمة مصر القديمة (منف)، واسمها “ميت رهينة” حاليًا. ودي تعتبر أقدم عاصمة في تاريخ مصر.
(صورة من البدرشين بكاميرا الفنان حسام عباس)
العيد القومي لمحافظة الجيزة، مرتبط بحدث مهم في مركز البدرشين. وده لما أبناء قرية “الشوبك”، شالوا القضبان الحديدية، الخاصة بالقطر اللي كان عليه الإنجليز، وقت الاحتلال الإنجليزي على مصر.
(لوحة نادرة للبدرشين)
تاريخ إنشاء المدينة دي، بيرجع إلى قبل الميلاد بـ 5000 سنة. لما كانت مصر عبارة عن مملكتين، في الشمال والجنوب. وقام الملك مينا بتوحيد القطرين، وعمل المملكة المصرية. وخلى مدينة “منف” – اللي في قلب البدرشين – أول عاصمة لمصر.
المدينة موجودة على أطراف القاهرة، وبتبعد عنها بحوالي 17 كيلو متر ناحية الجنوب. وبيحدها من الشرق نهر النيل ومدينة حلوان، ومن الجنوب مدينة العياط. وفيها أقدم وأكبر كوبري علوي على النيل، وهو كوبري المزاريق
دي كانت جولتنا في مركز البدرشين. نقابلكم في الرحلة الجاية في مكان جديدة من القاهرة.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
