الجمال في التفاصيل.. سبيل محمد علي بشارع المعز
أماكن أثرية أماكن تاريخية في القاهرة سبيل سبيل محمد علي باشا بالعقادين سبيل محمد علي في المعز شارع المعز صور
Cairo 360
الصور: محمد أبو زيد
لما بنشوف مكان أثري من بعيد بنحس برهبة، ورغبة في الاقتراب. الأماكن التاريخية في القاهرة عندها قدرة تجذبنا وتخلينا نقرب علشان نتفرج على جمال ودقة التفاصيل، وسبيل محمد علي في شارع المعز مش مجرد مكان، ده حكاية تاريخية مليانة تفاصيل، ودائمًا الجمال الحقيقي بيظهر في التفاصيل دي.
تعالوا نتفرج على السبيل عن قرب، ونستمتع بتفاصيله المدهشة.
سبيل محمد علي باشا بالعقادين
السبيل أنشأه محمد علي باشا في سنة 1820م، صدقة على روح ابنه الأمير أحمد طوسون باشا اللي دُفن بمدافن الأسرة العلوية في الإمام الشافعي.
بيقع السبيل في منطقة العقادين بشارع المعز، وبيتكون المبنى من طابقين، في الدور الأرضي حجرة لتسبيل المياه وفي الدور اللي بيعلوها كُتاب كان بيتعلم فيه الأطفال الأيتام.
السبيل مبنى على الطراز العثماني، الواجهة المقوسة (نصف دائرية) بتحتوي على 5 شبابيك معدنية، كانت بتستخدم لسقيا المارة، وبتتزين واجهة السبيل بأعمال فنية مصنوعة من الرخام، وعليها زخرفة متنوعة على طراز الباروك والركوكو.
كمان هنشوف في الواجهة أبيات من الشعر مكتوب باللغة التركية العثمانية.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
