The Definitive Guide to Living in the Capital , Cairo , Egypt

معالم وسياحة

السفر ما بين شرم الشيخ والغردقة بقى متعة حقيقية بفضل الجسر العربي للملاحة

الجسر العربي للم الغردقة خدمة النقل البحري ما بين شرم الشيخ والغردقة شرم الشيخ كوين نفرتيتي مصر والأردن والعراق نقل بحري نقل سياحي
السفر ما بين شرم الشيخ والغردقة بقى متعة حقيقية بفضل الجسر العربي للملاحة
بواسطة
Cairo 360

بعد طول غياب رجعت خدمة النقل البحري ما بين شرم الشيخ والغردقة، بعد انطلاق أولى رحلات القارب السريع “كوين نفرتيتي” المملوك لشركة الجسر العربي للملاحة من شرم الشيخ إلى الغردقة، وده كان يوم 7 ديسمبر 2019، للربط السياحي والتجاري بين أهم مدينتين سياحيتين في المنطقة، وحضر الحدث المهم ده وزير النقل المصري.

وشركة الجسر العربي للملاحة هي شركة عربية مشتركة بين حكومات مصر والأردن والعراق، وبتمتلك سبع وحدات بحرية وبتشتغل بشكل أساسي على الربط ما بين آسيا العربية وأفريقيا العربية من خلال همزة الوصل وهي منطقة نويبع المصرية والعقبة الأردنية.

وخطوة تشغيل خط شرم الشيخ الغردقة جت بعد زيادة أعداد السياح في مصر في الفترة الأخيرة وتعافي السياحة في مدن شرم الشيخ والغردقة، وعلشان توفير عنصر الأمن والأمان، وبسبب كمان عدم وجود ناقل بحري تاني، ولأن خط الطيران بينفذ رحلتين بس أسبوعيًا، ونقطة مهمة تانية وهي ربط مدينة الغردقة مع المثلث الذهبي في الأردن (العقبة، البتراء، وادي رم) ووكمان في رحلات القدس، وبكدة بيوفر الخط البحري المنتظم ده على مرتاديه في زمن الرحلة البرية من 10 ساعات لساعتين ونص بس عن طريق البحر.

واختارت الجسر العربي القارب السريع “كوين نفرتيتي” بسبب المزايا الفنية من حيث السرعة والاتزان وكمان لقدرته على تلبية الاحتياجات المتنوعة على الخط البحري المنتظم ده، من حيث توفر خدمة نقل الركاب والسياح (580 شخص) ونقل البضائع والعربيات (130 عربية) ونقل الأتوبيسات (6 أتوبيسات).

وبدأت الشركة برحلات منتظمة معلن عنها مسبقًا، وبأسعار ثابتة ومنافسة، وكمان وفرت خدمة نقل العفش والأمتعة المصاحبة للراكب مجانًا لحد وزن 80 كجم، وكل ده في رحلة مابتكملش الساعتين ونص.

وعن طريق الخدمة دي اختصرت الجسر العربي المسافة والوقت والجهد والنفقات على مرتادي الخط الواعد ده، ووفرت خدمة النقل البحري السريع بين المدينتين دول، وإعادة الحركة السياحية، وبناء البرامج السياحية اللي بتربط محافظات وادي النيل بالمنتجعات السياحية في محافظة جنوب سيناء، اللي بتعتبر الأكثر جذبًا للسياحة العالمية في المنطقة.

جدير بالذكر إن شركة الجسر العربي قامت بتجهيز مكاتب دائمة ليها في شرم الشيخ والغردقة بهدف اتمام عمليات الحجز للسياح والركاب والمركبات والبضائع، وده عن طريق أحدث أنظمة الحجز الإلكترونية، وكمان الشركة اعتمدت مجموعة من الشركات السياحية كوكلاء وتوزيع ليها، وده بيؤكد جديتها وإصرارها على استمرارية العمل على الخط المهم ده، ولعدم انقطاع الخدمة اللي بتعود بالفايدة على المواطنين، وبتسهل عليهم الوصول السريع والآمن.

لمعرفة تفاصيل أكتر اضغطوا هنا.

مقترح