The Definitive Guide to Living in the Capital , Cairo , Egypt

يعتبر السوق القديم، المعروف أيضًا بالمدينة القديمة، واحد من أماكن الجذب الثقافية المثيرة فى شرم الشيخ، خصوصًا اليومين دول بعد ما شهد تطوير كبير.

المنطقة الشهيرة دي حجمها زاد بشكل ملحوظ على مدار السنين السابقة، ووضعوا أرضيات مصقولة مع محلات جديدة، كافيهات وكمان مسرح بـ يُقدم عليه مجموعة عروض ترفيهية رائعة، السوق القديم أكيد على رأس قائمة المزارات فى المدينة الجميلة؛ السوق مفتوح كل يوم من 10 صباحًا، وطبعًا بالليل هو أحسن وقت تشوف فيه العروض وتستمع بالسهرات الرائعة.

العروض بـ تتغير كل يوم، في يوم استضافوا سحرة موهوبين بـ يبهروك بألعابهم السحرية، وبعدها مجموعة من ثلاث راقصات هـ تتمنى ترقص رقصاتهم النشيطة، وأحلى فقرة من وجهة نظرنا كانت: سيد الثعبان، وهو ولد صغير بـ يعمل عرض موسيقي مع ثلاثة ثعابين كوبرا.

عادة الجمهور بـ يتجمعوا ويشوفوا العرض، لكن لو حبيت تقعد وتشرب حاجة أو تأكل أكلة خفيفة وأنت بـ تتفرج، عندك كافيه مفتوح بكراسي وترابيزات خشبية أمام المسرح، الأسعار هناك ممكن تكون غالية شويتين.

السوق القديم مش مقتصر على الترفيه، المكان عبارة عن مركز كبير مليان بازارات، كافيهات، مطاعم وسط الأضواء المبهرة والأجواء المرحة المميزة لشرم الشيخ.

لما تتمشى شوية وسط ممراته الملتوية، تقدر تشعر بالثقافة المصرية بكل جوانبها من طعم، رائحة ومناظر وأصوات، وهى حاجة محببة جدًا للسياح، رائحة الشيشة، المسك والزيوت الموجودة فى الشارع بـ تتحول بقدرة قادر لرائحة توابل، وبهارات ولحم مشوي، والمنظر الجميل لثلاثة أو أربعة جمال مسترخيين عند المدخل بـ يتحول فجأة لمجوهرات برّاقة وهدايا كل ما تغوَّط أكثر فى السوق.

لما تلف في السوق القديم هـ تقدر تنغمس فى الثقافة الشرقية وسط صوت السياح والمصريين اللى بـ يتناقشوا فى الأسعار العالية بلغات مختلفة مختلطة بصوت الموسيقى الشرقية الصاخبة، الكلمة المناسبة لوصف المشهد هى "سحر".

الموضوع مش دائمًا بنفس الصورة، السوق بـ يمتلك سجل تاريخي حافل هـ يشدك أكثر للمكان. فى 2005، السوق للأسف شهد هجوم إرهابي دمّر معظم المنطقة، وتوفي وقتها 88 شخص وأصيب أكثر من 200.

الرد وصل فى شكل زيادة الحراسة والتأمين في كل شرم الشيخ لأن أمان سكّانها وزوارها له الأولوية. تعتبر شرم الشيخ دلوقت من أكثر المدن أمانًا فى مصر.

السوق القديم دلوقت رجع ورجعت معاه الحياة الترفيهية الرائعة، مع منطقة تسوق كبيرة، ويعتبر مكان مثالي فى الصبح أو بالليل للسهر.

السوق على عكس خليج نعمة، ورغم أنه بـ يقدم تقريبًا نفس الخدمات والأماكن، الجو فيه مختلف تمامًا وبـ يرسم شكل أوضح لمصر الحقيقية، طوال ما أنت ماشي هـ يحاول البائعين يغروك بمعروضاتهم الجميلة، لكن لازم يبقى عندك مهارة الفصال لأن كل الأسعار فيها كلام.

تجربة التسوق في السوق تشمل مجموعة من المنتجات منها ملابس، وشنط يد من الجلد، وشنط حريمي وشنط سفر، مع التذكارات والهدايا على سبيل المثال، العطارات تعتبر من المحلات المثيرة، خصوصًا اللى بـ يبيعوا مستحضرات طبية وتجميل، مع توابل وبهارات الأكل.

بعيدًا عن الأسماء العالمية الموجودة فى شرم الشيخ، السوق في قسم الأكل بـ يقدم مطاعم شرقي مش غالية زي باقي الحاجات، عندك كمان مطاعم سي فوود ومحلات عصائر.

المشوار ومن وإلى السوق سهل جدًا؛ عند المدخل الحجري الكبير هـ تلاقي عدد من الميكروباصات الزرقاء والتاكسي منتظرين زوار السوق، طبعًا الميكروباص هـ يوفر لك مبلغ محترم –يعني المشوار لخليج نعمة تكلفته 2,25 جنيه– أما التاكسي فـ يوصل بـ 15 جنيه لنفس المكان. اوعى يفوتك المسجد الجديد المبني بالطوب الأحمر خارج السوق؛ شكله روعة.