“الفوتوجرافوما”.. سافر العالم مع “محمود”
أماكن سياحية أوروبا الفوتوجرافوما سفر سياحة قنوات سفر على يوتيوب كوكب الأرض
Cairo 360
رنا شرف
مصر فيها نماذج مجتهدة، بتصنع إبداع رغم كل الظروف، ومن النماذج دي محمود أحمد، وهو شاب مصري من محافظة الإسماعلية، سافر إيطاليا من فترة علشان يبدأ حياة جديدة زي كثير من المصريين، لكن حبه للتصوير عمل قيمة مضافة لحياته في الغربة، قرر يوثق بالفيديو تفاصيل الحياة في دول غربية مختلفة، ويشجع الناس على السفر ويعرفهم بتفاصيل مدهشة من العالم حوالينا. تعالوا نتعرف أكثر على “محمود” وتجربته.
في قناته على موقع يوتيوب، واللي أطلق عليها اسم “الفوتوجرافوما” بينشر “محمود” مقاطع كثيرة بتحكي عن أماكن مختلفة على كوكب الأرض، زي فيديو بيحكي فيه عن تجربته في السفر لألمانيا والنمسا وسلوفاكيا والمجر، وفيديو بيحكي فيه عن بيت المكعبات في لندن. لكن الفيديوهات مش عن السفر وبس، فيه فيديو مهم نشره “محمود” عن 5 طرق للعمل في سويسرا بطريقة قانونية، كمان فيديو مثير عن إن المكرونة طلعت بتتزرع!
بيقول “محمود” لـ كايرو 360 إن تجربته مع السوشيل ميديا كان فيها ضغط كبير لأنها مش معتمدة بس علي المحتوى لكن كمان على المشاهدات، وهدفه إن كل الفيديوهات اللي بيصورها توصل للناس علشان تبسطهم وكمان تفيدهم وتخليهم يلفوا الدنيا معاه من غير ما يتحركوا من مكانهم، لكن ممكن يعمل فيديو ويتعب فيه لكن للأسف ما يحققش المشاهدات اللي بيتمناها.
وعن أكثر بلد سافرها وعجبته بيقول “محود” إن بودابست مختلفة وجميلة وفيها مناظر حلوة، لكن بشكل عام بيشوف “محمود” إن كل الأماكن اللي سافرها فيها حاجة مميزة.
وعن أكثر موقف كوميدي واجهه “محمود” خلال توثيقه للسفر، بيقول إنه كان بيصور حلقة في حمام سباحة، واكتشف بعد التصوير إن المايك ماكنش شغال وبالتالي كل اللي قاله موصلش للناس. شوفوا الفيديو من هنا.
تابعوا قناة “محمود” على “يوتيوب” من هنا.
وصفحة مبادرته على فيسبوك هنا.
وهتلاقوا على إنتسجرام هنا.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
