The Definitive Guide to Living in the Capital , Cairo , Egypt

الصور: صفحة المتحف الرسمية على فيسبوك

العالم كله مستني الافتتاح التاريخي للمتحف المصري الكبير في الجيزة يوم 1 نوفمبر 2025، واللي بيعتبر من أكبر وأهم المتاحف الأثرية في العالم. المتحف هيعرض كنوز نادرة من الحضارة المصرية القديمة، منها مجموعة توت عنخ آمون الشهيرة وآثار وادي الملوك.

المتحف مش مجرد مكان للآثار، لكنه مركز ثقافي وسياحي متكامل بيسعى يعزز الهوية المصرية ويروج للسياحة الثقافية محليًا ودوليًا.

الفئات المعفاة من تذاكر دخول المتحف المصري الكبير 2025

إدارة المتحف أعلنت إن في 12 فئة هتدخل المتحف مجانًا، بجانب تخفيضات لفئات تانية. الهدف إن أكبر عدد من الناس يزور المتحف ويستفيد من الكنوز اللي جواه. الفئات المعفاة هي:

الأطفال تحت 6 سنوات.

ذوي القدرات الخاصة.

أعضاء المجلس الدولي للمتاحف.

المرشدون السياحيون المصريون.

العاملون بوزارة السياحة والآثار.

أسر الشهداء.

المحاربون القدامى.

الصحفيون المعتمدون لدى وزارة السياحة والآثار.

السفراء المعتمدون وزوجاتهم.

أعضاء هيئة التدريس والطلاب المتخصصون في الآثار والتاريخ والسياحة والفنون.

رحلات المدارس الحكومية الابتدائية والإعدادية مع مشرف واحد لكل 10 طلاب.

دور الأيتام ومؤسسات الرعاية الاجتماعية تحت إشراف وزارة التضامن الاجتماعي.

أهداف الإعفاءات

الخطوة دي بتهدف لزيادة الوعي الثقافي بين المواطنين، وتشجيع كل الفئات على زيارة المتحف، خصوصًا الفئات اللي محتاجة دعم أكتر. كمان دي وسيلة لتعزيز مكانة المتحف كوجهة ثقافية وسياحية عالمية.

آلية الحصول على الإعفاء

كل فئة لازم تقدم المستند أو الكارنيه اللي يثبت أحقيتها، وفي بعض الحالات زي المدارس ودور الأيتام مطلوب تنسيق مسبق قبل الزيارة بشهر.

موعد افتتاح المتحف المصري الكبير 2025

الافتتاح الرسمي للمتحف المصري الكبير هيكون في الأول من نوفمبر 2025، وده حدث تاريخي هيتابعه العالم كله، لأنه هيفتح باب جديد لاستكشاف الحضارة المصرية القديمة بشكل عصري ومتطور.