The Definitive Guide to Living in the Capital , Cairo , Egypt

لو كنت من عشاق الحضارة المصرية القديمة فبالتأكيد واحد من أخلامك تزور منطقة دهشور، اللي بتعتبر من أجمل وأغني وأهم المناطق الأثرية في القاهرة، وده لأنها بتحتوي على أهرامات كتير مش مشهورة، زي الهرم الشمالي وهرم سنوسرت التالت وهرم أمنمحات التاني وهرم سنفرو العظيم، والمعروف كمان باسم الهرم المائل، وده هرم مهم جدًا ومش واخد حقه إعلاميًا.. علشان كدة هنتكلم في الموضوع ده عن الهرم المائل، ومواعيد الزيارة وإزاي تروحه بسهولة.. يلا نبدأ رحلتنا.

هرم سنفرو أو الهرم المائل ارتفاعه 98م واستغرق بناه حوالي 14 سنة، ويقال إن شكله ماعجبش الملك سنفرو فقرر يدي أوامره ببناء هرم تاني علشان يندفن فيه، وهو الهرم الشمالي أو الهرم الأحمر، واللي كان بمثابة البروفة الأخيرة لبناء أهرامات مصر الشهيرة، خوفو وخفرع ومنقرع.

مواعيد زيارة منطقة دهشور

تقدر تزور منطقة دهشور طول أيام الأسبوع من 8 الصبح ولحد 5 مساءً مع العلم إن شباك التذاكر بيقفل 4 العصر، أما أفضل أوقات الزيارة فبتكون من الخريف للربيع وده لإن درجة الحرارة هناك بتكون عالية جدًا بسبب طبيعتها الصحراوية، لكن لو هتروح في الصيف فننصحك تتحرك بدري ويكون معاك كاب مناسب وملابس قطنية فاتحية وواقي شمس.

إزاي تروح هرم سنفرو؟

هتركب من أي مكان في القاهرة أتوبيس أو ميكروباص مريوطية هرم ومن هناك هتلاقي عربيات دهشور، ممكن تتمشي شوية والأفضل تاخد توك توك لحد البوابة، أما لو جاي مترو فهتنزل محطة الجيزة وتركب منها مريوطية هرم ومنها دهشور.

نصيحة سريعة.

خد معاك مياه كفاية، وأكلات خفيفة ولازم تكون لابس حذاء رياضي مريح.