The Definitive Guide to Living in the Capital , Cairo , Egypt

في ظل استمرار جهود وزارة السياحة والآثار لاكتشاف الآثار المدفونة في كل بقاع مصر، البعثة المصرية الأثرية المصرية اكتشفت من أيام قليلة مجموعة من أفران الحرق دائرية الشكل من الطوب اللبن في محافظة الأقصر، في السطور الجاية هنعرفكم على تفاصيل الكشف المهم ده.

الوزارة أعلنت أنها اكتشفت الأفران وكمان معاها سور ضخم من الطوب اللبن بيرجعوا للعصر الروماني والمتأخر، والكشف ده حصل أثناء عملية ترميم وإحياء طريق الكباش، والأفران وجدتها البعثة في منطقة أبو عصبة، ومن المحتمل انها كانت بتستخدم في تصنيع الفخار.

أما بالنسبة للسور، فعثرت البعثة المصرية عليه غرب طريق المواكب الخاص بمعبد “خونسو”، وطوله حوالي 30 متراً، بارتفاع 2.5 متر، وعرض 3 متر، وبيتكون من 17 مدماك من الطوب اللبن.

وكمان البعة وجدت جدار بُني من 3 مداميك من كتل الحجر الرملي، وده امتداد للجدار اللي كان بيحمي الضفة الشرقية للنيل من تغير منسوب نهر النيل خلال مواسم الفيضان، والجدار بيمتد من قدام معبد الكرنك شمالًا، وحتى معبد الأقصر جنوبًا، بمحاذاة طريق المواكب الكبرى بطول حوالي 3 كيلو متر.