The Definitive Guide to Living in the Capital , Cairo , Egypt

يوم الجمعة 30 أغسطس 2020، استقبلت العاصمة المصرية القاهرة، 166 قطعة أثرية، من كنوز الملك توت عنخ آمون، وده بعد ما طافت القطع دي ثلاث دول هي الولايات المتحدة الأمريكية وفرنسا وبريطانيا، في إطار معرض أقيم لكنوز “توت عنخ آمون”، الملقب بالفرعون الذهبي، في كل من باريس، ولوس انجلوس، ولندن .

القطع اللي وصلت القاهرة وسط إجراءات أمنية مشددة، كان المفروض ترجع بعد حوالي شهر ونصف، لكن الإجراءات اللي بتشهدها بريطانيا لمواجهة جائحة “كورونا”، خلت القطع توصل بشكل أسرع.

وكانت وزارة السياحة والآثار في مصر، قد أعلنت في بيان ، عن أن الـ 166 قطعة أثرية الخاصة بمعرض الملك توت عنخ آمون، وصلت فجر الجمعة، بعد عودتها من محطتها الثالثة بالعاصمة البريطانية لندن، حيث جرى عرضها في معرض حمل عنوان: “توت عنخ آمون .. الفرعون الذهبي”. وده بعد جولتها الخارجية التي بدأت عام 2018، وزارت خلالها القطع الـ 166 من كنوز وآثار الملك توت عنخ آمون، مدينة لوس أنجلوس بالولايات المتحدة الأمريكية، والعاصمة الفرنسية باريس، والعاصمة البريطانية لندن.

وبحسب البيان، حقق المعرض ده نجاح باهر في الدول دي، خصوصًا في فرنسا اللي حطم فيها الرقم القياسي في تاريخ تنظيم المعارض الثقافية، حيث زاره أكثر من مليون و400 ألف زائر خلال 6 أشهر في عام 2019.

القطع كلها رجعت وسط إجراءات أمنية مشددة وبصحبة أثريين مصريين.

وقررت مصر عرض 10 من القطع الأثرية دي في متحف الغردقة اللي تم افتتاحه مؤخرًا، و10 قطع في متحف شرم الشيخ اللي هيتم افتتاحه نهاية العام الجاري، وده هيساهم في إتاحة الفرصة أمام زوار المدينتين دول لمشاهدة جزء من كنوز الملك توت عنخ آمون.

وهيتم نقل الـ 20 قطعة بعد عرضها بشكل مؤقت بالمدينتين الساحليتين إلى المتحف المصري الكبير، وهيتم نقل باقي قطع المعرض اللي رجعت لمخازن المتحف المصري بالتحرير.