The Definitive Guide to Living in the Capital , Cairo , Egypt

 

مارس هو شهر الأم، فيه بنحتفل بعيدها، وفيه كمان بتتحول الحياة في مصر لشكل مليان بالتقدير لست الحبايب، ده كفاية أغنية ست الحبايب اللي غنتها الفنانة الراحلة فايزة أحمد للأم من سنين طويلة وبنسمعها كتير من الإذاعات المصرية طول شهر مارس.

وبمناسبة قرب عيد الأم، بيعرض متحف الغردقة القومي 3 قطع أثرية بترمز للأمومة في مصر القديمة، تعالوا نتعرف أكتر على القطع الجميلة دي:

 

القطعة الأولي

 

عبارة عن تمثال من الحجر الجيري بدون رأس، وبيمثل المعبودة “إيزيس” وهي بترضع الطفل حورس، وهي جالسة على كرسي العرش اللي له مسند ظهر قصير.

 

القطعة الثانية

 

وهي تمثال من النحاس بيمثل “إيزيس” وهي جالسة على كرسي العرش وعلى رأسها تاج “إيزيس” المعروف، وفوقه قرص الشمس، وبنشوفها وهي بترضع حورس الطفل، واللي بتنزل من الناحية اليمين منه ضفيرة الشعر.

القطعة الثالثة

 

عبارة عن تمثال من الشيست للمعبودة “تاورت”، وهي أحد أشهر ربات الولادة والأمومة عند المصريين القدماء، ولقبها هو الأنثى العظيمة، أو أنثى فرس النهر، وده أشهر أشكالها وهى ماسكة “بالسا” وهو رمز الحماية.

تقدروا تستمتعوا بمشاهدة القطع العظيمة دي في متحف الغرقدة القومي، وعنوانه: جنوب مدينة الغردقة.

وبيفتح المتحف أبوابه للزائرين طوال أيام الأسبوع على فترتين:

الفترة الصباحية: من 10صباحًا وحتى 1 مساءً

الفترة المسائية: من 5 مساءً وحتى 11 مساءً