بيت السناري… رحلة لمكان جميل في كايرو
أماكن تاريخية أماكن في القاهرة بيت السناري بيوت القاهرة خروجات
Cairo 360
علشان ترجع لأيام زمان مش شرط تركب آلة الزمن، لأنك ممكن تعمل ده في القاهرة، من خلال أكثر من مكان لسه محافظ على شكله في حين تاريخه ممكن يزيد عن 200 سنة!
في منطفة السيدة زينب جنب مدرسة السنية في حارة اسمها “يونج” هتلاقي هناك “بيت السناري” اللي بيرجع تاريخ إنشائه إلي عام 1209 هـ – 1794 م واللي أنشأه هو “إبراهيم كتخدا السناري” وهو من أثرياء القاهرة وهو من أهالي دنقلة بالسودان، واشتغل بواب في المنصورة وبعدها عاش في الصعيد وأصبح بيتواصل مع الأمير “مراد بك” لحد ما بقى من أعيان القاهرة واتوفي سنة 1216 هـ – 1801 م.
تمت مصادرة البيت مِن الفرنسيين عام 1798 بهدف تسكين أعضاء لجنةِ العُلوم والفنون، اللي وصلت مع بعثة نابليون العسكرية لعمل دراسة منهجية للبلاد، وخصصت الحملة الفرنسية البيت لإقامة مصوريها وبعض علمائها منهم “ريجو” الرسام المشهور اللي ساهم في كتاب وصف مصر.
بيتكون بيت ” السناري ” من جزأين:
الجزء الغربي وبيشمل المقاعد وقاعات الاستقبال والجزء الشرقي وبيشمل الغرف الثانوية.
للبيت مدخل كبير بيطل علي حارة “منج” وهو مدخل حجري فوقه مشربية بارزة، وبيؤدي المدخل لممر مرتفع بيوصل للفناء الداخلي اللي بيتوسطه نافورة، وبتطل الواجهات الداخلية علي صحن البيت.
والواجهات الحجرية فيها نقوش منحوتة بطريقة مبهرة وفيها مكانين للاستقبال.
البيت له باب غني بالزخارف وبيؤدي سلمه إلي بابين تانيين، الباب اليمين بيوصل إلي غرف البيت ثم القاعة الكبري والحمام والباب الشمال بيؤدي إلي المقعد والجناح الشرقي.
بيت السناري بيعمل حاليًا أنشطة كتير ما بين ورش فنية وثقافية وندوات وحفلات.. يعني تقدر تزور البيت وتستمتع بالتعرف على مكان تاريخي مهم وكمان تشارك في أنشطة فنية وثقافية مهمة.
تقدر كل حاجة عن الأنشطة دي من خلال صفحة بيت السناري على الفيسبوك. اضغط هنا.
كمان البيت فيه أنواع كثيرة من الفنون، منها صناعة السجاد والحصير اليدوي، والأجمل أنك ممكن تطلب من فنان السجاد يصنع لك سجاد أو حصير بشكل وألوان أنت تحددها، وتختار المقاس كمان.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
