The Definitive Guide to Living in the Capital , Cairo , Egypt

الآثار الإسلامية من أهم ما يميز القاهرة، ومصر فيها تاريخ عظيم  يفوق أي تاريخ، وفيها كل الحضارات المختلفة من العصور الفاطمية والأموية والمملوكية وغيرهم كتير، وكل افترة زمنية كانت بتنفرد بإبداع مختلف في بناء المباني التاريخيية على الطراز الإسلامي، ده غير الإبداع في الحرف اليدوية وصناعة الأسلحة والعملات وغيرهم، وعلشان كده اتبنى متحف الفن الإسلامي، اللي يعتبر منارة لكل التحف الإسلامية على مر العصور، وخلال السطور اللي جاية هناخدكم في جولة مبسطة هتكون دليل لزيارة المتحف، وهنساعدكم تعرفوا تفاصيله علشان زيارتكم ليه تكون مرتبة بدون تضييع وقت وعمل مجهود كبير.

بداية الجولة مفتوحة للتعرف على القاعات داخل متحف الفن الإسلامي، والجولة دي هتخليكم تعملوا خريطة ترتيب الزيارة بناءً على المفضل لكم، ومتنسوش أن المكان فيه دليل صوتي وجولات ارشادية علشان تساعدكم بمعلومات عن تاريخ مقتنيات المتحف، واللي هي قطع ثمينة تستاهل التمعن فيها وتصويرها مع العلم أن التصوير متاح لكل المتحف.

متحف الفن الإسلامي مقتنياته متقسمة مجموعات ومتوزعة بشكل مدروس بدقة، وعندهم أقسام “المسكوكات – المنسوجات – المخطوطات – الأسلحة”، وكل قسم هتلقوا فيه نوادر خاصة بالتاريخ الإسلامي بتوضوح تاريخ كل العصور، وفيه مقتنيات من العصور القديمة والوسطة والحديثة، ده غير قسم الأعمال اليدوية اللي هتلقوا فيه فن الهاند ميد المميز زي الأواني والمنسوجات والسجاد وغيرهم.

كمان هتتعرفوا على أسلوب الحياة داخل كل عصر من خلال اسكتشاف مقتنياتهم الحضارية زي العملات والملابس والمجوهرات وتقاليدهم في الحياة في وقتهم، وكمان هتتعرفوا على آثار للتعريف بالفنون الإسلامية خاصة النقوش والزخارف، وقطع السيراميك والخطوط العربية، ده غير نماذج المساجد القديمة والبلاط القديم المزخرف، واللي متجمعة من مصر والصين والهند وغيرهم من الدول.

ومن أهم معروضات متحف الفن الإسلامي كتب نادرة في التفسير، ونسخ نادرة من القرآن الكريم، ومفتاح الكعبة، وقطعة قماش من روضة الرسول صلى الله عليه وسلم، وأسطرلابان نحاس وبوصلات ومخطوطات وأسلحة مختلفة، والحاجات دي من المعروضات داخل المتحف اللي بتلف نظر جميع زوراه.

متحف الفن الإسلامي موجود في منطقة باب الخلق أمام مديرية أمن القاهرة القديمة، ومواعيده يوميًا من 9 حتى 5 مساءًا، والجمعة حتى 11:30 ظهرًا وسعر التذكرة 50 جنيه.

وتقدروا تعرفوا أكتر عنهم من خلال صفحة الفيسبوك من هنا.