تطبيق Around Egypt.. شوف أجمل معالم مصر بتقنية 360 درجة
Around Egypt تطبيق Around Egypt تطبيقات سياحية في مصر تطبيقات مفيدة
Mohamed Talaat
الفترة دي مصر فيها مجموعة تطبيقات جميلة ومفيدة وتستحق تكون على تليفونك، منها تطبيق Around Egypt، اللي بيوفرلك إمكانية زيارة عدد كبير من المعالم والمتاحف الشهيرة المهمة في مصر من خلال جولات افتراضية، ومن خلال التطبيق هتقدر تشوف المعالم دي وأنت قاعد في بيتك، وهتحس فعلًا إنك روحت للمكان بنفسك.
كل اللي محتاجه هو إنك تحمل التطبيق، وتستخدم سماعة صوتها قوي علشان التجربة تبقى متكاملة.. وهتسافر كل مكان في مصر.. وأنت في مكانك.
بيقدم تطبيق Around Egypt جولات افتراضية بتقنية 360 درجة. ومن خلال التطبيق هتقدر تزور كل الأماكن السياحية المهمة في مصر، سواء كانت متاحف أو معابد أو أهرامات أو مواقع دينية أو شواطئ، من القاهرة والإسكندرية إلى الأقصر وأسوان.
وهتقدر بسهولة تضغط على كل صورة أو جولة داخل التطبيق، علشان تظهر لك كل المعلومات والتفاصيل الخاصة بتاريخ المكان ونشأته، بالإضافة إلى مواعيد الزيارة وأسعار التذاكر في الأيام العادية.
كمان تقدر من خلال التطبيق، فلترة الجولات حسب المدن أو المعابد أو الشواطئ، والاستمتاع بالجولات من خلال نظارة الـVR.
التطبيق سهل الاستخدام، وكل الأعمار تقدر تسخدمه بسهولة، يعني لو حابب أطفالك يتعرفوا على أي مكان في مصر، التطبيق هيكون مفيد جدًا لهم.
ده موقع التطبيق.
وده رابط تحميل التطبيق.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
