The Definitive Guide to Living in the Capital , Cairo , Egypt

الصور لـ: شريف مختار

من فترة، بدأت الحكومة المصرية في تطوير حديقة “الأندلس” الأثرية، والموجودة في كورنيش النيل بالجزيرة.. وبالمناسبة دي هنعرفكم أكتر على المكان الجميل ده وعلى خطة تطويره.

 

1 – بحسب تصريح لمحافظة القاهرة، بتعتبر حديقة الأندلس، أول حديقة بيتم تسجيلها كأثر في مصر، وكلنا عارفين إن الحديقة دي جزء رئيسي من ذاكرة أجيال مصرية وعربية كتير كانت بتستمتع بالتنزه فيها.

2 – بتتكون حديقة الأندلس، من ثلاثة أجزاء، الجزء الأول هو حديقة الجزيرة، والجزء الثاني هو الأندلس، أما الجزء الثالث فهو الحديقة الفرعونية، والمساحة الكلية للحديقة 9 آلاف م٢.

3 – أعمال تطوير الحديقة بتقوم بيها شركة متخصصة في الترميم التراثي والأثري، تحت إشراف وزارة الآثار وبتمويل من مديرية الإسكان بمحافظة القاهرة.

4 – في السنين اللي فاتت، اتعرضت حديقة الأندلس لإهمال شديد، وعلشان كده قررت محافظة القاهرة وضع خطة لتطويرها وإعادة الروح إليها، وده ضمن خطة الحكومة المصرية للحفاظ على التراث وإعادة إحيائه.

5 – بتشمل أعمال التطوير، رفع كفاءة البنية التحتية وإصلاح شبكة الري بالحديقة علشان يتم بالتنقيط، وتطوير شبكة صرف النافورة الموجودة في الجزء الفرعوني منها.

6 – تطوير الحديقة هيشمل كمان ترميم نماذج التماثيل الأثرية الموجودة جوه الحديقة، وترميم تماثيل ثعابين الكوبرا الموجودة في الجزء الفرعوني من الحديقة.

7 – عملية التطوير هتتضمن كمان إزالة أي حاجة بتعوق زوار الحديقة من التمتع برؤية نهر النيل بشكل واضح، مع إضاءتها بالإضاءة التي هتديها شكل جمالي سواء للزوار أو الناس اللي بتعدي من المنطقة أو حتى اللي بيتفرجوا على منظرها من فوق برج القاهرة.