ذاكرة المدينة.. تطبيق للحفاظ على التاريخ العمراني وحكاوي الشوارع
الحفاظ على التاريخ العمراني المباني التراثية في القاهرة تاريخ شوارع القاهرة تطبيق الجهاز القومي للتنسيق الحضاري تطبيق ذاكرة المدينة تطبيق عاش هنا جولات تراثية القاهرة حكاوي شوارع القاهرة ذاكرة المدينة
Mohamed Talaat
مصر معروف عنها التاريخ والحضارة من أيام القدماء المصريين وحتى عصرنا الحالي، وكل عصر له حكايات وحكاوي وتاريخ بيتكلم عنه العالم، ومن فترة قريبة ظهر تطبيق “ذاكرة المدينة” واللي تابع لـ” الجهاز القومي للتنسيق الحضاري” بالتعاون مع “مركز معلومات مجلس الوزراء” وبيهدف للحفاظ على التاريخ العمراني والاجتماعي وتقديم رؤية جديدة للسياحة الثقافية، وخلال السطور اللي جاية هنقولكم على كل اللي محتاجين تعرفوه عن التطبيق المخصص للحفاظ على التاريخ العمراني وحكاوي الشوارع.
تطبيق ذاكرة المدينة مش مجرد تطبيق هيعرفكم على القاهرة وشوارعها وتاريخها ولكن هو هوية كاملة لكل ما هو له تاريخ، وبيساعدكم التطبيق في التعمق في تاريخ الأشخاص والمباني والشوارع بالقاهرة، والتطبيق بيتكون من 6 أقسام مختلفة هنتكلم عنها.
عاش هنا
عبارة عن خريطة لمسكن الشخصيات التاريخية والمشاهير وتقدروا من خلال التطبيق تعرفوا كل اللي محتاجينه عن الشخصيات من خلال البحث باسمهم أو بالمنطقة اللي تقدروا تعرفوا مين عاش فيها، وطبعًا أكيد كتير منكم شاف لافتة “عاش هنا” اللي موجودة في كل مكان في مصر وبتوثق الشخصيات العامة اللي عاشت في بعض المباني بالقاهرة.
حكاية شارع
القسم ده بيقدم لكم نبذة عن اسم كل شارع وسبب تسميته وتفاصيل كاملة عنه وخاصة الشوارع اللي متسمية بأسماء المشاهير.
المباني التراثية
بيقدم معلوامت عن موقع المبنى ورقم التوثيق الخاص بيه والحي التابع له وكمان العنوان وتصنيفه في التراث، ولكن للأسف التطبيق مش بيحتوى على اسم المبنى فقط مكانه على الخريطة.
جولات تراثية
ومن خلال قسم الجولات التراثية تقدروا تاخدوا جولة في أحياء “الزمالك – المعادي – مصر الجديدة – القاهرة الخديوية”، وهيقدم لكم معلومات عن الأماكن التاريخية والمباني الشهيرة بسكانها.
علامات قريبة منك
بيوضح من خلال الخريطة أقرب المباني ذات الطابع المعماري الخاص وقصص عن الشوارع والأشخاص حسب المتوافر من معلومات.
كتب وثائقية
وهتقدروا من خلالها تتعرفوا على كل حي من أحياء القاهرة “مصر الجديدة – جاردن سيتي – الزمالك”، وهو عبارة عن ملفات PDF بتوثق تفاصيل كتير مهمة ومتميزة.
التطبيق مختلف ومميز ومهم جدًا لكل محب للقاهرة أنه يحمله ويستمتع بالمعلومات الكتيرة اللي موجودة فيه.
تقدروا تحملوا التطبيق لو انتوا من مستخدمي نظام Ios من هنا.
ولو انتوا من مستخدمين نظام Android تقدروا تحملوا التطبيق من هنا.
مقترح
الحياة في كايرو
أول خزنة ليلية في القاهرة.. أقدم "ATM" مصري من القرن اللي فات! (صورة)
atm National Bank of Egypt +8
فن وثقافة
