The Definitive Guide to Living in the Capital , Cairo , Egypt

الشتاء في مصر له شكل وطعم تاني، وسواء الشتاء كان في صعيد مصر أو سيناء والبحر الأحمر  فهو أكيد هيكون مميز ومختلف، وماتنسوش أن السياح من كل دول العالم بييجوا مخصوص يشتوا في مصر، وعلشان كده وزارة السياحة والآثار أطلقت مبادرة سياحية جديدة باسم “شتي في مصر”، والهدف منها دعم السياحة الداخلية.

تعالوا نعرف 5 معلومات عن المبادرة اللي هتنطلق بداية من فبراير 2021.

1- مبادرة “شتي في مصر” بتشمل الأقصر وأسوان وشرم الشيخ والغردقة والنايل كروز كمرحلة أولى.

2- بتشارك مصر للطيران في “شتي في مصر” بتذاكر مخفضة بنسبة كبيرة للمساهمة في نجاح المبادرة.

3- بيشارك في المبادرة كافة المنتجعات السياحية والفنادق المصرية وهيكون الحجز من خلال سيستم مخصص لكده.

4- أسعار تذاكر الطيران 1500 جنيه للأقصر وأسوان، و1750 جنيه لشرم الشيخ، و2000 جنيه للغردقة ومرسى علم ذهاب وعودة.

5- أسعار الفنادق هتبدأ من 600 جنيه لليلة الواحدة في الغرفة المزدوجة وهتصل لحد 1600 جنيه.