The Definitive Guide to Living in the Capital , Cairo , Egypt

قصر البارون، هو أشهر قصر موجود في منطقة هليوبوليس، واللي بناه هو البارون إدوارد إمبان مؤسس مصر الجديدة، وله تاريخ كبير، وقبل سنوات القصر اتعرض لإهمال كبير، قبل ما تقرر الحكومة المصرية ترميمه وإعادة الجمال لكل ركن من أركانه.

ووزارة الآثار أعلنت عن افتتاح القصر للجمهور بشكل رسمي في شهر فبراير الجاي، وخلال السطور الجاية هنقولكم على معلومات مهمة عن القصر وأسعار زيارته.

القصر صممه الفرنسي ألكساندر مارسيل، وزخرفه جورج لويس كلود، وانتهى بناءه سنة 1911، وتم تشييده على طراز العمارة الهندية، واللي جات فكرته للبارون إمبان من معبد أنكور واتفي في كمبوديا، ومعابد أوريسا الهندوسية.

قصر البارون مكون من دورين وبدروم، وجراج كبير من 4 أدوار، وتم تطويره بالتعاون بين مصر وبلجيكا بتكلفة 100 مليون جنيه تحملت بلجيكا منها 16 مليون جنيه كمنحة، وتم إعادة تطوير وترميم القصر علشان يكون معرض يحكي تاريخ حي هليوبوليس “مصر الجديدة”، من بداية نشأتها.

القصر فيه مجموعة مختلفة من الصور والمستندات الأرشيفية والرسومات والخرائط، والخطابات اللي بتختص بحي مصر الجديدة في مختلف العصور، وكمان بيضم القصر أهم المعالم التراثية المختلفة اللي بتحكي تاريخ مصر الجديد وطرق العيش فيها لكل الحقبات.

أما عن أسعار التذاكر، فهتكون 20 جنيه للمصريين، و10 جنيه للطلاب، و100 جنيه للأجانب، و50 جنيه للطلاب.