The Definitive Guide to Living in the Capital , Cairo , Egypt

مصدر الصور والمعلومات التاريخية هنا

القاهرة بتحميها أبواب تاريخية عظيمة، وهي الرمز الأبرز لفن العمارة الحربية الإسلامية في العاصمة المصرية العتيقة، والقاهرة كان لها أبواب كثيرة، للأسف الزمن انتصر على بعضها، لكن فضلت مجموعة أبواب بتتحدى الزمن. تعالوا نتعرف على 3 من أجمل أبواب القاهرة التاريخية، واللي بمجرد مرورك من بين أحجارهم هتسافر لزمن ثاني.

 

باب النصر

يعتبر بوابة القاهرة الشمالية، وهو أول الأبواب التاريخية اللي بُنيت في العصر الفاطمي. أمر جوهر الصقلي حاكم مصر ببنائه سنة 1087 هـ/480م، وبيقع في الضلع الشمالي لسور القاهرة، وكان الهدف من إنشائه هو حماية القاهرة، واستخدمت في بنائه أحجار تم تفكيكها من المعابد المصرية القديمة، علشان كدة هتلاقوا عليه نقوش هيروغليفية.

 

باب زويلة

هو ثالث الأبواب المشيدة في العصر الفاطمي وأكبرها. قام بدر الجمالي ببنائه سنة 485هـ- 1092م، وبيقع في الضلع الجنوبي من سور القاهرة المربع، وبيرجع اسمه إلى قبيلة” زويلة”، وهي من قبائل البربر في شمال أفريقيا، واللي استوطنت القاهرة في عهد جوهر الصقلي بعد ما انضمت إلى جيشه. بيتكون الباب من برجين مستطيلين كل واحد فيهم فيه حجرة للدفاع والمراقبة. بيشبه بوابة النصر والفتوح في التصميم المعماري.

 

باب الفتوح

بناه جوهر الصقلي سنة 1078م/480هـ في الضلع الشمالي لسور القاهرة، وتم ربطه بباب النصر من خلال سور بيوصل ما بينهم. بيحتوي على سراديب ودهاليز، وللبوابة مدخل خشبي نصف دائري وبتعلوها عتبة حجرية.