The Definitive Guide to Living in the Capital , Cairo , Egypt

القاهرة الكبرى فيها أعظم آثار الأرض، ومنطقة سقارة في محافظة الجيزة، من أكتر الأماكن الأثرية والتاريخية في مصر اللي تستحق الزيارة، خاصة مع أعمال التطوير الأخيرة اللي بتقوم بيها الحكومة المصرية من إعادة ترميم وفتح مقابر للزيارة، بالاضافة لافتتاح الهرم المدرج للزيارة من الداخل بعد سنوات طويلة من إغلاقه.

زيارة منطقة سقارة

آثار سقارة هي تراث تاريخي مصر بيمتد لآلاف السنين، والمنطقة فيها عشرات المقابر والأهرامات من بداية الأسرات المصرية ولحد العصر المتأخر، وفي منطقة سقارة بيقع هرم زوسر المدرج اللي بيعتبر أقدم بناء حجري على الإطلاق، واللي كان بداية ابتكار أمحتب لفكرة البناء هرمي الشكل لدفن المصري القديم بدل من الدفن في مصطبة تقليدية.

أهم آثار منطقة سقارة

هرم سقارة المدرج: وده اتبنى حوالي سنة 2700 قبل الميلاد، وبناه الملك زوسر من الحجر، وأشرف على عمليات البناء المهندس العبقري أمنحتب، وبيعد هرم زوسر المدرج أقدم بناء من الحجر في تاريخ البشرية.

متحف أمنحتب: سبب التسمية هو تخليد ذكرى المهندس المعماري العبقري والطبيب والفلكي أمنحتب اللي صمم المجموعة الجنائزية للملك زوسر وابتكر عناصرها بالكامل من خلال محاكاة الطبيعة، وبينقسم المتحف من الداخل لأربع صالات عرض أساسية.

السرابيوم: بيحتوي الموقع على ممرات ضخمة منحوتة في الصخر تحت الأرض، بتحتوي على مقابر كبيرة لحوالي 30 ثور مقدس، مصحوبة بقصائد بتحمل نقوش فيها معلومات عن العهود اللي عاشت فيها الحيوانات المقدسة دي.

مواعيد زيارة آثار سقارة وسعر التذكرة

لو قررت زيارة آثار منطقة سقارة فهتحتاج تاكسي خاص أو سيارة سياحية، وده لأن سقارة بتقع على بعد حوالي 3 كم شمال قرية ميت رهينة التابعة لمركز البدرشين على مسافة حوالي 20 كيلو متر جنوب مدينة الجيزة، وهي جبانة أثرية فريدة، والموقع الأثري بيفتح أبوابه للجمهور يوميًا من 8 صباحًا ولحد 5 مساءً، مع العلم إنه بيتم وقف بيع تذاكر الدخول على شباك التذاكر الساعة 4 العصر.

وسعر التذكرة حوالي 20 جنيه بس.

نصائح عند زيارة آثار منطقة سقارة

1 – البسوا ملابس مناسبة تساعدكم على الحركة بسهولة.

2 – بالنسبة للبنات، بلاش الكعب العالي علشان الموقع رملي.

3 – البسوا قبعات تحميكم من الشمس بالاضافة لاستخدام كريم واقي من آشعة الشمس.

4 – احتفظوا بالتذاكر طول مدة الرحلة.

5 – الالتزام بمواعيد الدخول والخروج وتعليمات الأمن وهيئة الآثار.

6 – عدم الكتابة أو خدش أو تدمير أي مواقع أثرية.