The Definitive Guide to Living in the Capital , Cairo , Egypt

شركة الصوت والضوء أخدت قرار جميل ومميز، بإنها هتسمح لكل أصحاب الهمم، ومتحدي الإعاقة بأنهم يحضروا كل العروض مجانًا في (الأهرامات، معبد أبو سمبل، الكرنك، فيلة، وإدفو)، وكمان القرار هيشمل كبار السن والمحاربين القدماء من المصريين لحضور العروض باللغة العربية.

الشركة أعلنت أن القرار ده سببه اهتمامها برعاية ودعم أصحاب الهمم وكبار السن ودمجهم في المجتمع وتوفير كل الإمكانات اللازمة اللي تديهم جزء من حقوقهم.

الجميل كمان إن طلاب المدارس والجامعات والمعلمين وأعضاء هيئة التدريس هيكون لهم خصومات هتوصل إلى 50% على العروض باللغة العربية.

محمد عبدالعزيز رئيس شركة الصوت والضوء قال أن لوائح الشركة اتعدلت لأول مرة بسبب أصحاب الهمم وكبار السن والمحاربين القدماء علشان يقدروا يحضروا مجانًا كل عرض الصوت والضوء باللغة العربية في أي وقت، بعد ما كان بيتم دعوتهم خلال فترة معينة أو مناسبة ما.

شكرًا لكل اللي بيفكر بطريقة إيجابية في أصحاب الهمم، اللي بنوجه لهم من كايرو 360 كل تحية واحترام وتقدير.