عمره 3000 سنة… الكشف عن تابوت أثري جديد بيضم مومياء امرأة
آثار مصر اكتشاف جديد الأسرة ال18 الأقصر تابوت تاريخ حضارة قدماء المصريين كشف أثري مصر
Cairo 360
الصورة من رويترز
عشاق الخروجات ومشاهدة الآثار على ميعاد مع خبر جميل! مؤخرًا أعلنت مصر عن اكتشاف مومياء امرأة بحالة جيدة جوه تابوت أثري ما اتفتحش قبل كده، في الأقصر.
وبيعود عمر الكشف ده لحوالي 3000 سنة.
والتابوت ده من بين تابوتين اكتشفتهم بعثة استكشاف فرنسية الشهر ده في منطقة العساسيف وهي جبانة في البر الغربي من النيل في الأقصر.
وقال وزير الآثار خالد العناني: “لقوا تابوتين.. تابوت منهم من الستايل اللي اسمه الريشي اللي هو نهاية الأسرة الـ17 وتابوت تاني من الأسرة الـ18… هتشوفوا التابوتين موجودين بالمومياوات اللي موجودة عرضنهالكم داخل المقبرة بتاعتهم”.
وبتعود الأسرة الـ18 للقرن الثالث عشر قبل الميلاد وهي فترة معروف إنها ضمت بعض من أكثر ملوك الفراعنة شهرة من بينهم توت عنخ آمون ورمسيس الثاني.
ودي المرة الأولى اللي بتفتح فيها السلطات المصرية تابوت ما اتفتحش قبل كده أمام وسائل الإعلام الدولية.
وقبل الكشف ده مباشرة كشفت السلطات المصرية كمان عن مقبرة في نفس المنطقة لمشرف على مقصورة التحنيط يدعى فاو-آر-خت-إف.
وضمت المقبرة خمس أقنعة ملونة وحوالي ألف تمثال أثري صغير (أوشبتي) وهي تماثيل للي بيعتقد إنهم هيخدموا الميت في الحياة الأخرى.
وتطلب الكشف عن المقبرة دي إزاحة 300 متر من الركام على مدى خمس شهور، وضمت المقبرة رسوم ملونة على سقفها بتصور مالكها وأسرته.
كمان ضمت المقبرة مومياوات وهياكل عظمية وجماجم بترجع لعهد الدولة الوسطى قبل أربع آلاف سنة لكنها استخدمت مرة أخرى خلال العصر المتأخر.
وأعلنت مصر أكثر من عشر اكتشافات أثرية من بداية العام 2018.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
