The Definitive Guide to Living in the Capital , Cairo , Egypt

بمناسبة اقتراب يوم السياحة العالمي اللي بيتم الاحتفال بيه يوم 27 سبتمبر من كل سنة، أطلقت وزارة السياحة والآثار على مواقع التواصل الاجتماعي فيديو ترويجي عن محافظة القاهرة، ضمن حملتها للترويج السياحي للمحافظات المصرية.

وهتستمر حملة وزارة السياحة للترويج للمحافظات المصرية لمدة 27 يوم، وبداية الحملة كانت من يوم 1 سبتمبر، وهتستمر لحد 27 سبتمبر الجاري.

وبتعتبر محافظة القاهرة من أهم محافظات مصر، وبيطلق عليها أسماء مختلفة، منها، قاهرة المعز ومصر المحروسة ومدينة الألف مئذنة، وبتعتبر من أهم المحافظات السياحية فى مصر، لأن فيها كتير من المعالم السياحية والأثرية زي برج القاهرة، ونهر النيل، والقرية الفرعونية، وقصر عابدين، وقصر البارون إمبان، ومنطقة خان الخليلى، وقلعة صلاح الدين الأيوبي.

 وده طبعًا غير مجموعة من المتاحف المميزة، منها المتحف المصري بالتحرير، والمتحف القومي للحضارة المصرية، ومتحف المركبات الملكية، وبها مجموعة الحدائق مثل حديقة الأزهر، وحديقة الاندلس في القاهرة، والحديقة الدولية، والحديقة اليابانية، وحديقة الأسماك.