محطات هتوصلك لأجمل حدائق.. خروجات خضرا على قد الإيد في القاهرة هتوصلها بالمترو!
أماكن فسحة بالقاهرة الحدائق العامة في مصر المترو في القاهرة حدائق القاهرة حديقة الأزهر حديقة الأسماك خروجات العيد خروجات على قد الإيد خروجات من غير عربية خروجة بالمواصلات خروجة صيف سفاري بارك فسحة رخيصة
Mohamed Talaat
الصورة الرئيسية: Omar Adel
يا أهل القاهرة، مين قال إن الخروجات خلصت مع العيد؟ بالعكس! كتير مننا بيستنى الزحمة تخلص علشان يستمتع بجمال القاهرة ويخطط لخروجة رايقة على مزاجه.
والنهارده التخطيط هيبدأ من محطات المترو، علشان تسهّل عليكم المشوار، وكمان تخلّي الخروجة أسرع وأوفر!
ولو بتدوّروا على خروجة حلوة وميزانيتها على قد الإيد، تعالى شوف محطات المترو هتوصلكم لإيه من أجمل حدائق القاهرة الكبرى:
حديقة الأسماك – الزمالك
من أجمل وأهدى الحدائق، هتلاقوا نفسكم وسط عالم تاني من الجمال والتاريخ.
التذكرة: 5 جنيه
أقرب محطة مترو: صفاء حجازي (الخط الثالث)
حديقة الحرية – جنب كوبري قصر النيل
لكل محبّي المساحات الخضرا الواسعة، مكان مثالي ومميز.
التذكرة: 20 جنيه
أقرب محطة: الأوبرا (الخط الثاني)
حديقة العبور – الزمالك
مكان لطيف للاسترخاء والهدوء.
التذكرة: 20 جنيه
أقرب محطة: صفاء حجازي (الخط الثالث)
سفاري بارك – إمبابة
للمغامرة وكيدز إيريا وألعاب كتير!
التذكرة: 30 جنيه
أقرب محطة: الكيت كات (الخط الثالث)
حديقة سكة الوايلي
فيها ألعاب ومطاعم وخضرة، مناسبة جدًا للعيلة.
التذكرة: 5 جنيه
أقرب محطة: كوبري القبة (الخط الأول)
منتزه الطاهرة – سراي القبة
حديقة بطابع خاص وهدوء مميز.
التذكرة: 5 جنيه
أقرب محطة: سراي القبة (الخط الأول)
حديقة النافورة – بروكسي
حديقة صغيرة ولطيفة، مناسبة للخروجات السريعة.
التذكرة: 5 جنيه
أقرب محطة: سراي القبة (الخط الأول)
حديقة الميرلاند – مصر الجديدة
واحدة من أشهر حدائق القاهرة، واتجدّدت مؤخرًا وفيها أنشطة كتير.
التذكرة: 40 جنيه
أقرب محطتين: سراي القبة (الخط الأول) / الأهرام (الخط الثالث)
حديقة عابدين – وسط البلد
حديثة وموجودة قدّام قصر عابدين التاريخي.
التذكرة: 5 جنيه
أقرب محطة: محمد نجيب (الخط الثاني)
الحديقة اليابانية – حلوان
بتصميمها الفريد الهادي، من أجمل حدائق الجنوب.
التذكرة: 10 جنيه
أقرب محطة: حلوان (نهاية الخط الأول)
حديقة نيل المعادي
حديقة مميزة ولطيفة ومش ناس كتير تعرفها.
التذكرة: 10 جنيه
أقرب محطة: كوتسيكا (الخط الأول)
الحديقة الدولية – مدينة نصر
واحدة من أكبر حدائق القاهرة وفيها أنشطة كتير.
التذكرة: 20 جنيه
أقرب محطة: أرض المعارض (الخط الثالث)
حديقة الطفل – مدينة نصر
مثالية للأطفال، وفيها أنشطة ممتعة.
التذكرة: 20 جنيه
أقرب محطة: أرض المعارض (الخط الثالث)
حديقة الأزهر
من أكبر وأجمل الحدائق، فيها خضرة وفيو ومطاعم وكافيهات، وأجواء فريدة.
التذكرة: 50 جنيه
أقرب محطة: العتبة (الخط الأول)
وأخيرًا..
بعض الحدائق محتاجة تمشية بسيطة من محطة المترو، وفيه حدائق تانية محتاجة مواصلة قصيرة.
وخد بالك من حالة الجو – تابع النشرة الجوية، والبس لبس مريح، وخد معاك مياه كفاية علشان يومك يفضل رايق من أوله لآخره.
مقترح
معالم وسياحة
محطات هتوصلك لأجمل حدائق.. خروجات خضرا على قد الإيد في القاهرة هتوصلها بالمترو!
أماكن فسحة بالقاهرة الحدائق العامة في مصر +11
معالم وسياحة
