The Definitive Guide to Living in the Capital , Cairo , Egypt

عمر مراد

مهما طال الغياب، هيفضل المُحب عنده أمل يشوف حبابيه الغائبين، وده أفضل وصف لقلوب المصريين اللي تعلقت بمسجد السيدة زينب من زمان، لكن بعد غلق الباب أمام المحبين بسبب مشروع مهم للحكومة المصرية بيهدف لتطوير وترميم المسجد، جاء الخبر المبهج: المسجد هيفتح أبوابه للمحبين من جديد خلال أيام! يعني أخيرًا حان وقت اللقاء.

تعالوا نتعرف أكثر على المسجد.

هي السيدة زينب ابنة الإمام علي بن أبي طالب والسيدة فاطمة الزهراء ابنة رسول الله صلى الله عليه وآله وسلم. قدرت تكون مصر بلد الأمن والأمان وفتحت أبوابها للسيدة.. وكان أول مكان توصله هي بلبيس في محافظة الشرقية، واللي وقتها أهالي مصر استقبلوها أحسن وأحلى استقبال.

بعدها توجهت إلى بيت الوالي وأقامت فيه حتى توفيت في 14 من شهر رجب 62 هجرية وبقي ضريح لها بعد كدا، بيت الوالي كان في الوقت دا عند حمراء القصوى عند بساتين الزهري اللي هو بقي حي السيدة زينب دلوقتي.

ومن حب المصريين للسيدة أطلقوا عليها أم العواجز، أم هاشم، أم اليتامى. الضريح اتحول لمسجد بعد كده وشهد تطوير كبير على يد بعض الحكام، زي الوالي العثماني علي باشا اللي أمر بتجديده سنة 1547م، ومرة أخرى على يد الأمير عبد الرحمن كتخدا 1768م، وبعد كده وزارة الأوقاف اللي تولت أمر المسجد وهدمته وأعادت بناءه مرة أخرى وخرج بالشكل الحالي.

المسجد بيتكون من 7 أروقة موازية للقبلة وبيتوسطها صحن مربع مغطي بقبة أمام ضريح السيدة زينب.

شهد المسجد مؤخرًا، تطوير كبير يليق بمن يحمل اسمها، تطوير شمل كل شبر فيه، محيط المسجد ومقام السيدة والمصلى، وكمان تطوير المنطقة المحيطة به وتوحيد دهانات جميع الأماكن الملحقة بالمسجد.