The Definitive Guide to Living in the Capital , Cairo , Egypt

هتسافر فين في 2020؟، سؤال طرحته الكاتبة لورا بيجلاي بلوم، Laura Begley Bloom في مجلة فوربس العالمية، مؤكدة إن العام الجديد قرب علينا، وإن ده الوقت اللي لازم نخطط فيه للسفر، وعلشان كده استعانت الكاتبة بأهم خبراء السفر والمدونين والنشطاء في مجال الرحلات علشان تقدر تحدد أفضل الأماكن للسفر، وبالفعل وقع الإختيار على 27 دولة وكانت من بينهم مصر  واللي اتصدرت القائمة بترشيح من ليكسي ألفرود،  Lexie Alford أصغر واحدة زارت دول العالم (196 دولة) ودخلت موسوعة جينيس للأرقام القياسية وهي في سن 21 سنة.

ليكسي أكدت أنها بعد ما لفت العالم كله، شايفة أن زيارة مصر تم إهمالها، لأن مصر بتحتضن تاريخ هائل محفوظ بشكل كويس، وفيها ثقافة فريدة مش موجودة غير فيها وبس، وإنها أخيرًا بدأت في الحصول على التقدير اللي تستحقه من منظمة السياحة العالمية كرابع أسرع وجهة سفر في العالم نموًا.

وأشارت محبة السفر العالمية أنه في 2020، هيفتتح المتحف المصري الكبير، اللي هو أكبر متحف أثري في العالم للجمهور، واللي هيعرض آلاف القطع الأثرية المصرية القديمة وملهاش مثيل من قبل، وكمان شافت أن أفضل طريقة لاكتشاف جمال مصر أنكم تاخدوا مركب في النيل من الأقصر لأسوان لاستكشاف مصر.