مصر بتستعد لافتتاح “متحف قناة السويس العالمي” (اعرفوا التفاصيل)
متاحف في الإسماعيلية متاحف مصرية متحف قناة السويس العالمي موعد افتتاح متحف قناة السويس العالمي
Mohamed Talaat
من ساعات، ووسط إجراءات أمنية مشددة، استقبل مقر المتحف العالمي لقناة السويس في الإسماعيلية، عربيتين قطار من أقدم عربات القطارات في العالم، العربية الأولى مصنوعة من الخشب بيرجع عمرها لسنة 1892م، ودي كانت في مخازن القطارات في طنطا، والثانية عمرها بيرجع لسنة 1912م، ودي كانت في محطة قطارات الزقازيق.
وبحسب تصريحات إعلامية للدكتور محمد الذهبي الاستشاري الهندسي لمشروع المتحف العالمى لقناة السويس، واللي أشرف على عملية النقل، فالهدف من ضم العربيتين للمتحف هو التأريخ لفترة تاريخية مهمة من عمر مصر بتتعلق بكونها ثاني دولة في تاريخ العالم شهدت دخول خدمة القطارات بعد بريطانيا.
والقطارات شاركت في أعمال خدمة مشروع قناة السويس بشكل مباشر وغير مباشر من خلال حركة النقل على خط القاهرة الزقازيق، والزقازيق الإسماعيلية.
وفي الأيام الجاية، هيشارك فريق هندسي وأثري مع ممثلين عن هيئة قناة السويس بفحص العربيات، تمهيدًا لعمل ترميم شامل لهم، وبالفعل تم تحديد مكانين للعربيتين داخل ساحات المتحف العالمي لقناة السويس.
إيه اللي نعرفه عن المتحف العالمي لقناة السويس؟
الهدف من المتحف هو إنه يكون منارة ثقافية ومعلم سياحي يستقبل عشاق قناة السويس والتاريخ من العالم كله، وهيكون –بعد افتتاحه- توثيق لمرحلة مهمة من تاريخ مصر الحديث.
هيتضمن مشروع المتحف أعمال إنشائية وترميم أول مبنى إداري لقناة السويس وإعادته للشكله القديم وقت الافتتاح التاريخي لقناة السويس سنة 1869 وتأهليه علشان يكون متحف عالمي بيحكي تاريخ قناة السويس من وقت نشأتها وحتى افتتاح مصر لقناة السويس الجديدة.
هيتم كمان إدراج استراحة “فرديناند ديليسبس” لداخل المتحف بالإضافة لعمل جدارية تذكارية بتحكي تاريخ قناة السويس.
المتحف هيكون على مساحة 10000 متر مسطح، هتمثل مساحة المباني المشغولة منها 5500 متر مسطح وبدروم بمساحة 1200 متر مسطح.
هيتضمن مشروع المتحف كمان شبكة أنفاق داخلية ممتدة خارج نطاق المتحف.
وحاليًا العمل بدء بترميم الأعمال الخشبية بالكشف عن اللون الأصلي للأخشاب ودهانات الحوائط الذي إنشىء بيها المبنى وإعادتها لأصلها وإزالة قواطيع الأخشاب المستحدثة.
جدير بالذكر أن المبنى بيضم 99 قاعة و114 باب و175 شباك و303 عمود خشبي.
ومن المنتظر يتم الافتتاح الرسمي للمتحف قبل نهاية 2022 في حفل عالمي هتحضره شخصيات مهمة من العالم كله.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
