The Definitive Guide to Living in the Capital , Cairo , Egypt

مصر بتثبت كل يوم إنها بلد مميزة ومختلفة عن أي بلد تاني على كوكب الأرض، عندنا آثار، تاريخ، فن، وحضارة.. وعندنا كمان أجمل شواطئ في العالم، وده باعتراف وسائل إعلام عالمية مهمة وليها مصداقية، زي مجلة “دايف – DIVE” البريطانية العريقة، اللي أعطت مصر مؤخرًا جائزة ثاني أفضل وجهة للغوص في العالم لعام 2020، وده بعد تصويت شارك فيه عدد كبير من المصوتين.

وقالت المجلة إن مصر حصلت على نسبة كبيرة من الأصوات.

وأضافت “دايف – DIVE” إن البحر الأحمر في مصر أصبح عشق حقيقي لكتير من ممارسي الغوص والأنشطة البحرية، وده بسبب تميزه بالمياه الزرقاء الصافية والشمس الدافئة على مدار العام والشعاب المرجانية والحياة البحرية المتنوعة.

الجميل إن مصر سبق وفازت بالمركز الثاني في عام 2019.

ومش عاوزين ننسى أبدًا إن مصر حصلت في السنين اللي فاتت على عدد من الجوائز والمواقع المتميزة عالميًا في مجال الغوص. على سبيل المثال، حصلت شواطئ البحر الأحمر فى أعوام ٢٠٠٨ و ٢٠٠٩ و ٢٠١٠ من خلال استطلاعات الرأي في السوق الإنجليزي على المركز الأول في رياضة الغوص والأنشطة البحرية.