The Definitive Guide to Living in the Capital , Cairo , Egypt

معالم وسياحة

منهم “اللوفر”.. 5 متاحف عالمية تقدر تزورهم وأنت على كنبة بيتك

أهم متاحف العالم جولات افتراضية متاحف أونلاين متاحف عالمية متحف اللوفر
منهم “اللوفر”.. 5 متاحف عالمية تقدر تزورهم وأنت على كنبة بيتك
بواسطة
Mohamed Talaat

مع ظروف عالمنا الحالية، واللي تسبب فيها فيروس كورونا المستجد (كوفيد 19)، أصبح السفر حاجة صعبة، ودي أكتر حاجة بتضايق عشاق السفر والرحلات، لكن شكرًا للتكنولوجيا اللي خلتنا قادرين نزور أجمل متاحف العالم من غير ما نتحرك من بلدنا.. في الموضوع ده هنعرفكم على 5 متاحف عالمية ممتعة تقدروا تزوروها افتراضيًا.

متحف اللوفر:

بيقدم متحف اللوفر في باريس، قائمة كبيرة من الجولات الافتراضية، وبمجرد زيارة موقع المتحف هتقدروا تقوموا بجولة أونلاين وتتفرجوا على أجمل المعروضات ومنها طبعًا لوحة الموناليزا الشهيرة. (اضغطوا هنا).

متحف سميثسونيان:

بيرحب متحف سميثسونيان الوطني للتاريخ الطبيعي في الولايات المتحدة الامريكية بالضيوف في جولات افتراضية مجانية، ويقدر كل الزوار الاطلاع على المعروضات الحالية والدائمة، وكمان المعروضات السابقة اللي مابقتش معروضة. (اضغطوا هنا).

المتحف البريطاني:

المتحف البريطاني في لندن نقدر نعتبره كنز حقيقي بسبب القطع الأثرية والمعارض الرائعة اللي بيضمها، وحاليًا تقدروا تستمتعوا بكل مقتنيات ومعارض المتحف. (اضغطوا هنا).

متحف نورفال:

عشاق الفنون الإفريقية يقدروا يزوروا أهم مؤسسة فنية في جنوب إفريقيا، وهي متحف مؤسسة نورفال، اللي بيضم مجموعة متميزة من الفن الحديث من جنوب إفريقيا وأماكن تانية، وبتشمل المعارض حديقة منحوتة جميلة مع أعمال متميزة لنحاتين أفارقة. (اضغطوا هنا).

متحف فان جوخ:

عشاق فان جوخ المخلصين يقدروا حاليًا يقوموا بجولة افتراضية في متحف فان جوخ في أمستردام، اللي بيضم أكبر مجموعة في عالم الأعمال الفنية للرسام الشهير. (اضغطوا هنا).

مقترح