The Definitive Guide to Living in the Capital , Cairo , Egypt

معالم وسياحة -
مقترح

من هنا خرجت أحجار أهم المعابد المصرية.. حكاية أهم محاجر مصر القديمة (صور)

المصور البريطاني بول فينتن محاجر جبل السلسلة مصر القديمة مصر في وسائل الإعلام معابد مصر
من هنا خرجت أحجار أهم المعابد المصرية.. حكاية أهم محاجر مصر القديمة (صور)
بواسطة
Mohamed Talaat

تصوير: بول فينتن

نشر موقع (CNN) الأمريكي، تقرير مصور عن أكبر محاجر مصر القديمة، المكان الأهم اللي بيعتبر مصدر الأحجار اللي ساهمت في بناء أشهر المعابد والمقابر الفرعونية في مصر القديمة.

وبحسب تقرير (CNN) بتعتبر محاجر جبل السلسلة واحدة من أكبر وأهم المحاجر المستخدمة بمصر لقطع الحجر الرملي، واللي بدأ استخدامها على نطاق واسع من بدايات عصر الأسرة الفرعونية الـ 18، واستمر استخدامها لحد العصور الحديثة.

وبتمتد منطقة جبل السلسلة، وهي عبارة عن محاجر غنية جدًا بالحجر الرملي، على جانبي نهر النيل بطول حوالي كيلومترين من الشمال للجنوب.

وبتقع منطقة جبل السلسلة عـلى بعد حوالي20 كيلومتر شمال مدينة كوم أمبو، وحوالي 62 كيلومتر شمال مدينة أسوان.

واستخدم الحجـر الرملي في تشييد منشآت الدولة الحديثة، بمعابدها وتماثيلها في الأقصر والكرنك، وكمان معابد العصر اليوناني الروماني.

وعلى مر العصور، كانت الأحجار بتُنقل على متن السفن عبر نهر النيل من المحاجر جنوباً إلى المعابد والمقابر وغيرها.

وبيقول المصور البريطاني بول فينتن، لموقع (CNN) إن مصر مليانة بالمواقع التاريخية الرائعة، مش بس المواقع السياحية الشهيرة المتعارف عليها.

ومن سنة 1998، حاول فينتن اكتشاف المواقع الخفية في مصر، ومنها جبل السلسلة، اللي نجح في توثيقه بكاميرته اللي أظهرت مناظر رائعة لبقايا موقع المحجر والأضرحة.

مقترح