هنا سبيل نفيسة خاتون بشارع المعز
أماكن تاريخية القاهرة خروجات سببل نفيسة خاتون شارع المعز نفيسة البيضاء
Cairo 360
يمنى أحمد
كتير من الأماكن في القاهرة مدهشة، خاصةً القاهرة القديمة اللي مليانة بحكاويها المميزة، ولكن إن مكان يجمع ما بين كونه سبيل لسقيا الناس وكُتَّاب لتحفيظ القرآن الكريم ومحلات تجارية يبيع الناس فيها من مختلف الجنسيات واللي أنشأته كمان سيدة شركسية في العصر العثماني ده هيخلي الأمر فيه شغف لمعرفة مين صاحبة الأثر الطيب دي! كايرو 360 هتعرفكم قصة سبيل نفيسة البيضاء اللي في شارع المعز بالقاهرة.
في البداية السيدة نفيسة البيضاء كانت إحدى الجاريات الشركسيات اللي موجودين في مصر خلال حكم العصر العثماني، تزوجها محمد بك أبو الدهب بعد ما انبهر بجمالها، ولأنها كانت بيضاء البشرة فسميت نفيسة البيضاء، بعد وفاة محمد بك أبو الدهب تزوجها مراد بك وعاشت معه قرابة الـ 20 عامًا، وفي خلال الفترة دي قررت تُنشيء سبيل في آخر شارع المعز بالقرب من باب زويلة علشان أغراض كتيرة، لأنه ماكنش مجرد سبيل، لا هو كمان كان كتاب لتحفيظ كتاب الله وملاذ للكثير من أطفال الحي.
السبيل أنشيء عام 1796، ومواجه لجامع المؤيد شيخ بالغورية، وبني على الطراز العثماني الفريد لأن واجهته مميزة وعلى هيئة نصف دائرة ويحتوي على ثلاثة شبابيك معدنية مفرغة مزينة بالزخارف والنقوش، لما تجرب تروح تزور السبيل ده مش هتبطل تبص للنقوش دي وتفكر في شكل صاحبة السبيل اللي سايبة أثر كبير كده بعد مرور السنين دي، لأن خيرها باقي وممكن ببساطة تشم ريحتها الطيبة في المكان!
إيه رأيك تزور المكان الجميل ده في الويك إند؟
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
