The Definitive Guide to Living in the Capital , Cairo , Egypt

مصدر الصورة الرئيسية من هنا.

شهور قليلة وهيتم افتتاح المتحف المصري الكبير، اللي متوقع يستقبل الزوار في الربع الأخير من 2020، وبحسب تصريحات إعلامية للدكتور خالد العناني، وزير الآثار، الحكومة المصرية بتقوم حاليًا باجتماعات مطولة برئاسة رئيس مجلس الوزراء، لاختيار قائمة مختصرة من الشركات المرشحة من كبرى الشركات العالمية لتنظيم الحفل العالمي لافتتاح المتحف، واللي هيكون على أكتر من يوم.

وبيقول “العناني” إن حفل افتتاح المتحف المصري الكبير هيكون حفل أسطوري، هيبدأ من الهرم وهينتهي عند المتحف الكبير، وهتظهر فيه معالم مصر كلها تقريبًا.

وبيؤكد وزير الآثار إن الحفل هيكون ضخم جدًا، وهيتم توجيه دعوة حضوره لكافة رؤساء وملوك العالم والشخصيات الفنية والرياضية البارزة في عالمنا.

من ناحية تانية، أكد “العناني” إن نسبة العمل بالمتحف اتقدمت بشكل كبير، وتم نقل حوالي 50 ألف قطعة أثرية إليه لحد اللحظة دي، وكشف أنه تم منع زيارة المتحف من 5 يناير اللي فات علشان يكون فيه جزء من الغموض وقت افتتاح المتحف.

وأعلن “العناني” إن سيناريو العرض المتحفي انتهى بالفعل، وجاري تركيب الفتارين، وتم وضع القطع الأثرية على الدرج العظيم، وتم نقل أكثر من 90% من القطع الأثرية لـ توت عنخ آمون.

فريق كايرو 360 متشوق جدًا لحضور حفل الافتتاح في الربع الأخير من 2020.