The Definitive Guide to Living in the Capital , Cairo , Egypt

مصدر الصور من هنا

“نفرتيتي”، واللي بيعني اسمها “الجميلة أتت”، وهي ملكة مصر التي اشتهرت بجمالها، أكتشفها عالم الآثار الألماني لودفيك بورشارت في 6 ديسمبر 1912، وحاليًا هي شعار محافظة المنيا “عروس الصعيد”، بسبب إن اكتشافها تم هناك، وبالتحديد في منطقة تل العمارنة، وبمناسبة مرور 107 عام على اكتشاف تماثيلها، ولحد الآن لم يتم العثور على مقبرتها الرسمية، هنقولكم في السطور اللي جاية على 7 معلومات مهمة عن حياة الملكة نفرتيتي، علشان تتعرفوا عليها أكتر.

1- الملكة نفرتيتي بتنتمي للأسرة الـ18، وهي زوجة الملك أمنحوتپ الرابع (سمي بعد كده أخناتون) فرعون الأسرة الثامنة عشر الشهير.

2- هي حماة توت عنخ أمون، وكانت بتعد من أقوى النساء في مصر القديمة، وساعدته على تولى المُلك.

3- التماثيل المكتشفة للملكة نفرتيتي مصنوعة من الحجر الجيري وعثر عليها في ورسة النحات تحتمس في تل العمارنة.

4- تم تهريب التمثال الكامل لملكة مصر إلى ألمانيا بواسطة عالم الآثار الألماني لودفيك بورشارت، واللي زعم وقتها إن التمثال مصنوع من الجبس، بسبب أن القانون كان بيمنع وقتها خروج تماثيل الحجر الجيري من مصر.

5- يوجد تمثال ثاني لرأس نفرتيتي بالمتحف المصري من “الكوارتزيت” الأحمر والمزين بلمسات من المداد، واللي ما يقلش في دقة الصنع عن الرأس الموجودة ببرلين، لكنه أقل شهرة.

6- تم بيع التمثال الأصلي للملكة نفرتيتي إلى تاجر الخيول هنري جيمس سيمون، وهو يهودي الأصل وكان ممول لبعثة الكشف عن الآثار في تل العمارنة.

7- مصر ما زالت تفاوض وتطرق الأبواب لاستعادة التمثال من المتحف المصري ببرلين.