4 مفاجآت مبهرة هتكون في المتحف المصري الكبير
الدرج العظيم المتحف المصري الكبير المسلة المعلقة كنوز توت عنخ آمون متحف المراكب الأثرية
Mohamed Talaat
سنة 2020 هتكون سنة مميزة لكل عشاق التاريخ المصري القديم، مش بس في مصر، ولكن في العالم كله، وده لإنها السنة اللي هيتم فيها افتتاح أكبر متحف للآثار المصرية في العالم، وهو المتحف المصري الكبير في منطقة الأهرامات.
ومؤخرًا أعلنت مصر عن 4 مفاجآت مبهرة هيتميز بيها المتحف، والمفاجآت دي مالهاش أي مثيل في العالم.
مؤخرًا نقل موقع مصراوي عن الدكتور عيسى زيدان، مدير عام شؤون الترميم ونقل الآثار الثقيلة، تصريحات مهمة عن 4 مفاجآت هيضمهم المتحف المصري الكبير، وشرح إن المفاجآت دي هي: “المسلة المعلقة، والدرج العظيم، والمتحف المستقل للمراكب الأثرية، والمجموعة المتميزة اللي هتعرض لأول مرة لتوت عنخ آمون”.
وقال زيدان لمصراوي إن مساحة قاعة الملك الذهبي هتبلغ مساحتها 7500 متر مربع، وهتضم قطع أثرية هتعرض لأول مرة.
وقال كمان إنه جاري حاليًا العمل في إنشاء ميدان لـ”أول مسلة معلقة” في العالم بالمتحف الكبير، وهتظهر المسلة دي براعة المصري القديم في تصميم ونحت الآثار.
وأكد إن الأعمال الخاصة بإنشاء القاعدة الأساسية للمسلة، قربت تنتهي، وفي الإيام القليلة الجاية هيتم رفع وتركيب المسلة بالكامل، وهنشوفها قريب في الحرم أمام الواجهة الرئيسية للمتحف.
والمسلة دي بتعود للملك رمسيس الثاني وتم نقلها من منطقة صان الحجر الأثرية بمحافظة الشرقية، وبيبلغ طولها حوالي 16 متر، وووزنها 110 طن بالقاعدة الأساسية، وبتبلغ مساحة التصميمات الهندسية الخاصة بالمسلة حوالي 28 ألف متر، وبتحتوي على خرطوش الملك رمسيس في نهاية المسلة.
ومن خلال التصميم هيمكن للزائر لميدان المسلة الدخول لقاعدة المسلة علشان يشوف القاعدة الأثرية، وبالنظر لفوق هيمكن رؤية خرطوش الملك رمسيس الثاني.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
