5 حدائق في القاهرة هتنبسط فيهم أكيد
الأورمان الحديقة اليابانية حدائق القاهرة حديقة الأزهر حديقة الأسماك حديقة الفسطاط خروجات
Cairo 360
القاهرة بتتميز بوجود مجموعة كبيرة من الحدائق المميزة، اختارنا لكم منهم 5 حدائق واثقين إنكم هتنبسطوا فيهم أكيد.. خصوصًا إن الجو اليومين دول جميل.. شوف هتختار تروح فين النهارده.
حديقة الأزهر
موجودة في الدراسة، قرب مشيخة الأزهر. مساحتها 71 فدان. بتتميز بالنافورات المائية والأعمدة الرخامية. وفيها منطقة الحطابة اللي فيها مباني قديمة وجميلة.
حديقة الأسماك
مكانها في الزمالك في شارع الجبلاية. مساحتها حوالي 9.5 فدان. من أشهر الحدايق في الزمالك وتعتبر متحف للأسماك. فيها 33 نوع من الأسماك النيلية.
الحديقة اليابانية
موجودة في حلوان على مساحة 10 فدان. بتحس جواها إنك في حتة من اليابان. وتقدر تاخد صور حلوة كتيرة مع التماثيل الموجودة، زي تمثال المعلم شيبة وتلاميذه الـ 48.
حديقة الفسطاط
موجودة في منطقة عين الصيرة، مصر القديمة. جنب سور مجرى العيون.مساحتها أكتر من 10 كم مربع. فيها مساحات خضرة واسعة، وبتضم أنواع مختلفة من الزهور والأشجار.
حديقة الأورمان
في حي الدقي جنب جامعة القاهرة. مساحتها 28 فدان، وفيها 20 ألف نوع من النباتات. وكمان مجموعة نادرة من الأشجار والنخيل. وهي عبارة عن 4 حدائق صغيرة: حديقة الصبار – حديقة الورود – ربع النخيل – حديقة عصفور الجنة.
خروجة سعيدة.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
