The Definitive Guide to Living in the Capital , Cairo , Egypt

معالم وسياحة

9 نصائح مهمة لو عاوز تطلع جبل سانت كاترين في الشتاء

اكل جبل درجة حرارة رحلة رياح سانت كاترين ضباب طلوع مجموعة مشي مياه هدوم
9 نصائح مهمة لو عاوز تطلع جبل سانت كاترين في الشتاء
بواسطة
Mohammed Sabry

الناس اللي غاوية سفر ومغامرات، بيكون طلوع جبل سانت كاترين ضمن خططهم. وفي منهم اللي بيحب يطلعه في الشتا. فلو بتفكر تخوض التجربة، دي شوية نصائح نشرها موقع “اليوم السابع”، هتخليك جاهز للرحلة:

1- الطلوع مع أصحاب الخبرة

لازم تطلع وأنت معاك ناس أصحاب خبرة كافية. لأنهم هيكونوا على دراية كاملة بكل الظروف، وهيعرفوا يتصرفوا في كل المواقف.

2- تأجيل الطلوع لو الطقس مش مناسب

لازم تتابع حالة الطقس كويس قبل الطلوع. وتتأكد إن مافيش أي تغيير شديد في اتجاه الرياح، أو سقوط ثلوج. استنى طقس كويس ومشمس.

3- الطلوع في مجموعة مش لوحدك

يُفضل تكون مع مجموعة وقت طلوع الجبل. علشان لو حصلت أي مشكلة يكون في حد بيساعدك. وكمان تتفقوا على إشارات بالإيد، في حالة الرياح القوية اللي هتخليكم ماتسمعوش بعض.

4- الماء الساخن ضروري

الماء الساخن بيكون ضروري جدًا علشان لو حسيت بالبرودة. خلي معاك حوالي 3 لتر ماء ساخن في عبوات حافظة للحرارة. ده غير العصائر والسوائل المختلفة.

5- افطر كويس قبل ما تطلع

وجبة فطارك قبل الطلوع لازم تكون كافية. لأنك هتحرق سعرات حرارية كتيرة. وكمان البرد هيخلي جسمك يولد حرارة. وده بيشترط أكل كويس

6- ابدأ الطلوع الصبح بدري

في الشتا النهار قصير، ابدأ الطلوع من الصبح بدري علشان تقدر توصل للقمة قبل غروب الشمس.

7- البس هدوم تقيلة جدًا

البرد هيكون شديد، فلازم تلبس هدوم تقيلة. وماتنساش القفازات وأي حاجة تغطي بيها راسك من البرد.

8- التدريب على المشي لمسافات طويلة

اتدرب تمشي كتير، لأن طلوع جبل سانت كاترين بياخد وقت طويل. وممكن تتعب بسرعة. فحاول تكون مستعد لرحلة زي دي.

9- الوسائد والموقد

قبل البدء في الرحلة، لازم يكون معاك وسادة النوم، موقد، مأوى للطواريء لكل مجموعة.

مقترح