The Definitive Guide to Living in the Capital , Cairo , Egypt

الصورة: Michael Payne on Unsplash

حديقة الحيوان بالجيزة راجعة قريب بشكل جديد تمامًا بعد أكتر من شهور من شغل التطوير المتواصل. ورغم إن المشروع لسه في مراحله الأخيرة، إلا إن أسئلة الناس زادت: إمتى الافتتاح؟ إيه اللي هيتغير؟ وأسعار التذاكر هتبقى عاملة إزاي؟ هنا هتلاقي كل المعلومات اللي محتاج تعرفها بشكل واضح وسهل، من أول موعد الافتتاح المتوقع لحد أهم التغييرات اللي هتشوفها بنفسك أول ما تدخل من الباب الرئيسي.

موعد افتتاح حديقة الحيوان بالجيزة 2025

الدكتور علاء فاروق، وزير الزراعة، قال إن الافتتاح الرسمي المتوقع لحديقة الحيوان هيكون خلال الربع الأول من سنة 2026، بعد ما تخلص كل مراحل التطوير. وأكد إن الحديقة هتظهر بشكل مختلف تمامًا، سواء في طريقة عرض الحيوانات أو الخدمات اللي هتتقدم للزوار، وكل ده وفق معايير دولية.

أسعار التذاكر بعد التطوير

لسه مافيش تصريح رسمي عن الأسعار الجديدة، لكن التوقعات بتقول إنها هتتغير بما يناسب حجم التطوير الكبير. لكن اللي تم تأكيده إن الأسعار هتفضل مناسبة للأسر المصرية، مع خطط لباقات مخفضة للطلاب وكبار السن وذوي الهمم تشجيعًا للسياحة الداخلية.

مايفوتكش كمان:

حديقة الحيوان بالجيزة 2025.. كل تفاصيل التجديد والافتتاح وربطها بحديقة الأورمان

 

أبرز أعمال تطوير حديقة الحيوان

خلال السنتين اللي فاتوا، الحديقة اتغير فيها كتير، وأهم التطويرات اللي هنشوفها بعد الافتتاح في 2026 هي:

إعادة تصميم بيوت الحيوانات والممرات بشكل يوفر بيئات مفتوحة بدل الأقفاص القديمة، والحفاظ على المعالم التاريخية المهمة زي كوبري إيفل، القاعة اليابانية، والقاعة الملكية. كمان هيتم إضافة أنشطة جديدة زي إطعام الحيوانات، عروض أسود البحر والطيور، وتجربة فريدة لمشاهدة أفراس النهر تحت المية. ده غير زيادة عدد أنواع الحيوانات من 71 لـ186 فصيلة، وظهور حيوانات جديدة زي الميركات والليمور.

كمان هيتم إنشاء خيمة كبيرة للتفاعل المباشر مع الطيور، وإطلاق فندق Giza Zoo Safari Glamping لتجربة إقامة وسط الطبيعة، وهيكون فيه سوق Zoo Antique Bazaar للتحف والهدايا.

حديقة عمرها أكتر من قرن

حديقة الحيوان اتأسست سنة 1891 في عهد الخديوي إسماعيل، وكانت واحدة من أهم حدائق الحيوان في العالم من حيث المساحة وتنوع الحيوانات. ولسنين طويلة فضلت واحدة من أكتر أماكن الخروج المفضلة للمصريين، وعودتها بالشكل الجديد هتبقى خطوة مهمة جدًا للترفيه والسياحة الداخلية.