The Definitive Guide to Living in the Capital , Cairo , Egypt

الصور من وزارة السياحة والآثار

بعد الافتتاح التاريخي للمتحف المصري الكبير نوفمبر 2025، المكان اللي خطف أنظار العالم وبقى حلم لكل زائر، شهدنا إقبال غير مسبوق وصل لـ80 ألف زائر في يومين بس! وبقى الكلام كله عن أعظم مشروع ثقافي وحضاري في القرن الواحد والعشرين، وعن تجربة مختلفة هتعيشكم تاريخ قدماء المصريين من أول خطوة لحد آخر لقطة قدام الأهرامات. وعلشان رحلتكم تكون كاملة ومليانة دهشة، جهزنا لكم أهم 5 مقتنيات لازم تشوفوها جوا المتحف المصري الكبير، وتجربة هتفضل في الذاكرة طول العمر.

المسلة المعلقة

تستقبل المسلة المعلقة الزوار في الساحة الخارجية للمتحف المصري الكبير وهي خاصة بالملك رمسيس الثاني، وتم تثبيتها على قاعدة جرانيت مرتفعة علشان تظهر فيها خرطوشة الملك رسميس الثاني، وتم نقلها من منطقة صان الحجر بمحافظة الشرقية.

رمسيس الثاني

داخل بهو المتحف يقف تمثال رمسيس الثاني شامخ منذ نقله عام 2006 للمتحف وهو أول تمثال ينقل في المتحف، وصنع من الجرانيبت الوردي ويبلغ وزنه 83.4 طن بارتفاع 11.30 متر، وتم اكتشافه عام 1820 بمنطقة ميت رهينة الأثرية.

الدرج العظيم

الدرج العظيم هو قلب المتحف المصري الكبير وروحه. مساحة معمارية مبهرة بتجمع عشرات القطع الأثرية الضخمة في مشهد مهيب بيحكي تطور الحضارة المصرية عبر آلاف السنين. من لحظة ما تطلع السلالم الضخمة، هتكون محاط بتماثيل ومسلات وأعمدة ملكية اتنقلت من مواقع أثرية مختلفة وتم ترميمها بعناية غير مسبوقة. واللقطة اللي مستنياك فوق؟ بانوراما فريدة للأهرامات، في تجربة بصرية عمرها ما تتكرر في أي متحف تاني في العالم. ده المكان اللي بتحس فيه إنك ماشي وسط التاريخ نفسه.

توت عنخ آمون

قاعة توت عنخ آمون أهم قاعة موجودة في المتحف المصري الكبير وبيتم من خلالها عرض المجموعة الذهبة الكاملة للملك الفرعوني توت عنخ آمون لأول مرة منذ اكتشفا مقبرته عام 1922 بمنطقة وادي الملوك في محافظة الأقصر، وتشمل المجموعة المعروضة 5000 قطعة تم تجهيزها وترميمها عن طريق خبراء الآثار والترميم في مصر، ومن بين المعروضات داخل قاعة توت عنخ آمون الختم الخاص به ودرع من الجلد، والقناع الذهبي له، وجنينين واحده عمره 5 شهور وآخر 7 شهور وكانوا محفوظين في كلية طب قصر العيني على مدار 80 سنة فاتت.

رغيف خبز

ومن المعروضات المميزة داخل المتحف  رغيف الخبز عمره 4000 سنة، ولسه بحالته ومتماسك وتم العثور عليه داخل مقبرة ملفوف وكأنه قطعة أثرية كبيرة، ويعتبر رغيف الخبز رمز للحياة لدى القدماء المصريين ومن المقدسات.

وأخيرًا..

زيارة المتحف المصري مش مجرد زيارة، ولكنها رحلة هتفضل أبدية في ذاكرة الزوار مع أعظم حضارة في التاريخ من أول قطعة، ومتنسوش أن مواعيد الزيارة يوميًا من 8:30 صباحُا حتى 7 مساءً، وأيام السبت والأربعاء حتى 10 مساءً.