The Definitive Guide to Living in the Capital , Cairo , Egypt

من وادي الملوك في الأقصر خرج واحد من أعظم الاكتشافات الأثرية في العالم: مقبرة الملك توت عنخ آمون، الشاب الذهبي اللي لحد النهارده قصته مبهرة العالم كله.

المقبرة اللي اكتشفها عالم الآثار البريطاني هوارد كارتر سنة 1922 كانت زي نافذة سحرية على حضارة مصر القديمة، لأنها تقريبًا المقبرة الوحيدة اللي اتلاقت كاملة من غير ما يلمسها لا لصوص ولا الزمن.

ودلوقتي، مقتنيات توت عنخ آمون معروضة في المتحف المصري الكبير بتقنيات عرض حديثة بتخلي التاريخ كأنه بيحيا قدامك من جديد.

في السطور الجاية، هنقولكم على 7 معلومات مثيرة عن مقبرة توت عنخ آمون، واللي تعتبر من أهم الكنوز اللي عرفها العالم.

1. المقبرة الوحيدة المكتشفة كاملة بعدد مذهل من القطع الأثرية

تم العثور على مقبرة الملك توت عنخ آمون كاملة، وكان فيها أكتر من 5400 قطعة أثرية، وده خلاها من أغنى وأهم المقابر الملكية في تاريخ مصر القديمة.

2. اكتشاف أسطوري في عام 1922

اكتُشفت المقبرة يوم 4 نوفمبر 1922 على يد عالم الآثار البريطاني الشهير هوارد كارتر، بعد سنوات طويلة من البحث في وادي الملوك بالأقصر.

3. مقبرة لم تمسها يد بشر

تُعد مقبرة توت عنخ آمون المقبرة الملكية الوحيدة في وادي الملوك اللي لم تتعرض للنهب، وظلت محتوياتها محفوظة زي ما هي من أكثر من 3 آلاف عام.

4. كنوز لا تُقدّر بثمن

بتحتوي المقبرة على مجموعة مذهلة من المقتنيات، أبرزها القناع الذهبي الشهير، التابوت الذهبي، العرش الملكي، العربات الحربية، وصناديق الحُلي والمجوهرات.

5. عرض مذهل داخل المتحف المصري الكبير

تُعرض مقتنيات الملك حاليًا داخل قاعة العرض الخاصة بالمتحف المصري الكبير، بتقنيات حديثة بتشمل إضاءة متطورة، شاشات تفاعلية ثلاثية الأبعاد، ومؤثرات بصرية تنقل الزائر إلى عالم توت عنخ آمون.

6. رحلة داخل حياة الملك الشاب

العرض داخل المتحف مقسم إلى 4 مراحل بتحكي قصة حياة توت عنخ آمون، من نشأته وطقوس دفنه، وحتى لحظة اكتشاف مقبرته الأسطورية.

7. تفصيلة فنية نادرة داخل المقبرة

على عكس أغلب المقابر الملكية، بتحتوي مقبرة توت عنخ آمون على منظر واحد فقط من كتاب “إمي دوات”، وده اللي بيخليها مختلفة فنيًا عن باقي مقابر الملوك في وادي الملوك.

زور المتحف المصري الكبير… وشوف التاريخ بيحكي بنفسه

لو نفسك تعيش تجربة مختلفة فعلاً، روح شوف كنوز توت عنخ آمون في المتحف المصري الكبير. المكان معمول بدقة تخليك تحس إنك راجع بالزمن آلاف السنين، وسط إضاءة مبهرة وتصميم يخليك تمشي جوه التاريخ مش بس تتفرج عليه.

كل قطعة بتحكيلك حكاية، وكل تفصيلة هناك بتفكرك إن الحضارة دي عمرها ما كانت مجرد ماضي… دي روح لسه بتتنفس فينا لحد النهارده.

زور المتحف بنفسك، واحكي لنا إيه أكتر حاجة خطفت نظرك في القاعة الذهبية لتوت عنخ آمون!