بطولات النصر بالذكاء الاصطناعي: حكاية فيلم وثائقي مصري AI عن حرب أكتوبر
إنتاج سينمائي بطولات منسية بي إم سي مصر حرب أكتوبر ذكاء اصطناعي فيلم وثائقي مصر
Cairo 360
فيه كتير من حكايات نصر أكتوبر لسه ما اتحكتش، أو اتحكت بالكلام بس من غير صور ولا فيديو يوثقها. على مدار السنين، فضلنا نسمع روايات عن بطولات عظيمة اتعملت وقت الحرب، لكن مافضلش منها غير الشهادة بالكلمة وطبعًا أعمال فنية عظيمة من كلاسيكيات السينما المصرية.
النهارده، التكنولوجيا رجعت الحكايات دي للنور من جديد. فيلم وثائقي قصير معمول بالكامل بالذكاء الاصطناعي من تنفيذ “بي إم سي مصر” للإنتاج، واللي قدر يعيد صياغة بطولة منسية من بطولات أكتوبر. بطولة ماكانش ليها أي صورة أو مشهد مصور، لكن بقت دلوقتي قدام عينينا بشكل واقعي يخليك تحس إنك كنت موجود وقتها.
المميز أكتر إن التجربة دي نفذها شخص واحد بس، شريف حسني، من فريق “بي إم سي مصر” للإنتاج. واللي ألهمه يعمل العمل ده هو إن والده واحد من أبطال حرب أكتوبر. من هنا جه شغفه إنه يعيد للحياة سيرة والده وسيرة الحرب كلها، علشان البطولات دي تفضل حية في وجداننا وما تتنساش مع الوقت.
الفيلم مش مجرد تجربة تقنية، هو خطوة جديدة في التوثيق. الذكاء الاصطناعي قدر يحرك صور قديمة جدًا، يخليها تنبض بالحياة وتتحول لمشاهد حقيقية بنشوفها لأول مرة. وده مش بس بيرجعنا لبطولات الحرب، لكن كمان بيفتح باب جديد لحكاية تاريخنا بشكل بصري معاصر، يوصل للأجيال الجديدة اللي بتتفاعل مع الصورة أكتر من الكلمة.
السلسلة دي بتقول إن في مساحة ضخمة من التاريخ لسه مستنية يتعاد حكيها، وإن الذكاء الاصطناعي مش بس أداة تقنية، لكنه وسيلة تحافظ على الذاكرة الوطنية، وتخلي بطولاتنا وحواديتنا المنسية ترجع تعيش من جديد.
العمل تجربة رائدة ممكن تغير شكل التوثيق السينمائي في مصر والوطن العربي. خطوة أولى لرحلة طويلة، نقدر من خلالها نعيد اكتشاف قصص كتير اتنست أو ماخدتش حقها.
شوفوا الإعلان التشويقي للفيلم من هنا:
مقترح
الحياة في كايرو
أماكن النصر في القاهرة: خطة لخروجة يوم كامل هتعيشك أجواء أكتوبر
6 أكتوبر أماكن تاريخية +8
فن وثقافة
