The Definitive Guide to Living in the Capital , Cairo , Egypt

 من بين تيمات الأفلام القادرة على تحقيق النجاح بدون مجهود هي الأفلام العائلية اللي فيها رسالة، وفي نفس الوقت مغامرة وتشويق، لكن فيلم Bernie the Dolphin 2 بيدخل عنصر أقوى للمعادلة مضمونة النجاح وهو: دولفين.

فيلم Bernie the Dolphin 2 هو استمرار ناجح للجزء الأول من نفس السلسلة، وبنشوف فيه الدولفين بيرني اللي بيرجع مرة تانية، لكن مع رجوعه بيرجع الشرير “ونستون ميلز” اللي قام بدوره “كيفن سوربو” فياترى إيه اللي هيحصل؟

الجميل في Bernie the Dolphin 2 إنه قدر يستغل اللي وصل له الجزء الأول ويبني عليه علشان يحقق نجاح الجزء الثاني، لكن بننصحكم بمشاهدة الجزء الأول قبل ما تشوفوا الثاني لو بتدوروا على مزيد من المتعة، لكن لو ماعملتوش كده هتقدروا تفهموا أحداث الجزء ده بشكل عادي.

الأداء التمثيلي لـ “بوب ريان” و”تومي روز” و”لولا سلطان” و”كيفن سوربو” وباقي أبطال الفيلم كان رائع، لكن الأحلى من الأداء التمثيلي – والأهم – كان تطويع مشاهد الدولفين بشكل جيد وممتع للكبار والصغار على حد سواء.

كمان الموسيقى التصويرية والأغاني في الفيلم كانت متوظفة توظيف صح وجيد ومكمل لمتعتنا، وبشكل عام الفيلم آمن تمامًا لمشاهدة الأطفال من أي سن، ونقدر نقول إن كل الأطفال هيحسوا بمتعة مع مشاهدة الفيلم.