مفاجأة.. كورونا مش أسوء سيناريو في أشهر أفلام “نهاية العالم”
10 Cloverfield Lane Bird Box Contagion Inferno أفلام توم هانكس ساندرا بولوك نهاية العالم
Mohamed Hamdy
يمكن تكونوا فاكرين إن فيروس “كورونا المستجد” واللي صنفته منظمة الصحة العالمية مؤخرًا على إنه وباء عالمي، هو السيناريو الأسوأ، لكن من موقعنا كعشاق ومحترفين سينما وأفلام نحب نقولك إن السينما قدمت سيناريوهات أخطر من دي بكتير.
في الموضوع ده هنستعرض معاكم أشهر الأفلام اللي تناولت أوبئة وأمراض خطيرة، لو بتحبوا النوع ده من الأفلام، أهو منه تبقى سهرة لطيفة لا يمكن تنسوها، ومنه تطمنوا إن “كورونا” مش السيناريو الأسواء.. أو على الأقل زي ما السينما بتقول:
Contagion:
منين ما نقول أوبئة وأمراض لازم نفتكر فيلم Contagion اللي بيحكي عن وباء بينتشر بسرعة الصاروخ، ومحاولات مستمسته من مجموعة من المواطنين الأمريكيين على اختلاف توجهاتهم لمواجهته والمحافظة على حياتهم في نفس الوقت.
وعلى الرغم من إن الفيلم من أنتاج 2011 لكن ناس كتير افتكرته تاني بالتزامن مع انتشار “كورونا”.. وده بسبب تشابه جزء كبير من أحداثه مع الأحداث اللي عيشينها دلوقتي.
Inferno:
الجميل في Inferno إنه بيناقش قضية انتشار الوباء من ناحية فلسفية بحته، يمكن علشان الفيلم مقتبس عن رواية “دان براون” الشهيرة بنفس الأسم
فيلم Inferno بيورينا مغامرة البروفيسور “روبرت لانجدون” علشان يوصل لفيروس خطير قبل انتشاره وقضاؤه على البشرية.
كان لازم نفتكر Inferno خاصة مع أنباء إصابة “توم هانكس” بطل الفيلم بفيروس “كورونا” واللي بنتمنى له الشفاء العاجل.
10 Cloverfield Lane:
فيلم 10 Cloverfield Lane مش بيتكلم عن الوباء أو الفيروس بشكل مباشر، وده الحلو فيه، يعني مش بنشوف مشاهد بشعة وكده.. لكن بنشوف حياة البشر بعد انتشار الفيروس.. وإيه اللي ممكن يحصل لثلاثة أشخاص في مخبأ مخصص للعزل تحت الأرض؟
Bird Box:
من روائع إنتاجات نتفليكس، وحكايته غير تقليدية ومشوقة جدًا.. وهي بتحكي عن وباء بيقتل الناس اللي بتبص له وهي مفتحه عنيها، ومن هنا بنشوف مغامرة “ساندرا بولوك” علشان تنقذ نفسها وابنها وبنتها، لكن كل ده وكلهم مغميين عينهم!
Bird Box حقق ضجة كبيرة لما صدر، مش بس لأنه بيتكلم عن وباء غامض، لكن علشان الفيلم له أبعاد إنسانية واجتماعية وحتى سياسية كبيرة جدًا.
مقترح
معالم وسياحة
المتحف القبطي بالقاهرة.. هنا أكبر مجموعة آثار قبطية في العالم
المتحف القبطي المتحف القبطي المصري +3
الحياة في كايرو
