5 أماكن في القاهرة هينقلوك لرمضان بتاع زمان
أماكن سياحية في رمضان الأزهر الخروج في رمضان بيت السحيمي رمضان شارع المعز شهر رمضان متحف الفن الإسلامي مسجد الأقمر
Mohamed Talaat
تصوير: أيمن محمد
القاهرة فيها أماكن تاريخية وأثرية جميلة، زيارتها كفيلة تخليك تحس ببهجة رمضان بتاع زمان، وكل التفاصيل اللي في الأماكن دي بتقولك لك بشكل واضح، إن مصر هتفضل بلد مميزة في تعاملها مع الشهر الكريم، وإن رمضان في مصر فعلًا.. حاجة تانية.
تعالوا نتعرف على 5 أماكن في القاهرة يستحقوا الزيارة بعد الإفطار، وبعض الأماكن دي بتنظم وزارة الثقافة المصرية فيها احتفالات وعروض خاصة بالشهر الكريم، يلا بينا.
بيت السحيمي
بيت السحيمي أو بيت الشيخ عبدالوهاب الطبلاوي هو بيت عربي بيتميز بمعمار شرقي مدهش. موجود في حارة الدرب الأصفر المتفرعة من شارع المعز لدين الله الفاطمي بحي الجمالية في قلب مدينة القاهرة، وتسمية البيت بترجع لآخر شخص عاش فيه، وهو الشيخ محمد أمين السحيمي شيخ رواق الأتراك بالجامع الأزهر.
شهد البيت عملية تجديد شاملة في فترة التسعينيات، ومن وقتها بتحصل فيه أنشطة جميلة، خصوصًا في شهر رمضان.
منطقة الأزهر
منطقة جامع الأزهر بصفة عامة من أجمل الأماكن اللي ننصحك تزورها في رمضان، هتشوف هناك محلات بتقدم أجمل أنواع الحرف اليدوية المصنعة من النحاس والقصدير والفخار، ده غير سوق الخيامية، وأوعى يفوتك زيارة وكالة الغوري اللي بيتم فيها تنظيم حفلات الفن الشعبي الفولكلوري والحفلات الموسيقية.
متحف الفن الإسلامي
متحف الفن الإسلامي بيعتبر أكبر وأول متحف في العالم بتتجمع تحت قبته كمية ضخمة من الآثار الأسلامية، وبيحتوي على 100 ألف قطعة أثرية إسلامية منها أسلحة الملوك وأدوات زينة الأميرات وميداليات تكريم أبطال الحروب ودعاوى أفراح السلاطين وغيرها.
شارع المعز
في ليالي رمضان شارع المعز بيكون حاجة عظمة، زوار من كل مكان، محلات، كافيهات، عروض فنية جميلة، وأكتر.
في شارع المعز هتستمتع بالسهرات الرمضانية الجميلة، وهتقدر تتناول سحورك في المطاعم اللي مالية الشارع، وبعضها بيكون فوق سطوح مباني، زي كافيه الخان اللي فوق سطوح معرض الربع للكتاب، ومن هناك هتشوف المنطقة كلها.
كمان هتقدر تشتري أجمل الهدايا التذكارية من المنطقة دي.
مسجد الأقمر
زيارة مسجد الأقمر تجربة جميلة لازم تخوضها في يوم. مسجد الأقمر بيعتبر أصغر مسجد في القاهرة والوحيد اللي بينخفض مستواه عن سطح الأرض.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
