The Definitive Guide to Living in the Capital , Cairo , Egypt

لو عاوز تستمتع بوقتك في القاهرة في 2025، دلوقتي تقدر تختار من أفضل الحدائق اللي بتوفر لك الاسترخاء، اللعب، والمناطق الخضراء الساحرة. من حديقة الأندلس لحديقة الأزهر وحديقة الطفل، جمعنا لك أحلى وأفضل الأماكن اللي تخلي خروجاتك على قد الإيد وتكون ممتعة ومثالية لكل أفراد العيلة.

حديقة الأندلس

الكلاسيكيات الأندلسية والتصميم الجميل موجودين في حديقة الأندلس، وهي موجودة بجوار أوبرا القاهرة وكوبري قصر النيل، وتذكرة الدخول سعرها 5 جنيه بس.

حديقة الحرية

موجود قصاد حديقة الأندلس وهي من الأماكن المثالية للتمتع والاسترخاء وسط الطبيعة الخلابة وسعر تذكرة الدخول 20 جنيه.

حديقة الأسماك

من أقدم وأرقى الحدائق المتميزة في القاهرة بتصميمها الشبيه بتجاويف الشعب المرجانية، وبتضم مجموعة أسماك مختلفة، وسعر التذكرة 5 جنيهات للفرد.

حديقة قصر عابدين

رغم أنها من الحدائق المستحدثة إلا أنها اكتسبت شهرة كبيرة، وبقت الوجهة الأولى لأهالي وسكان منطقة وسط البلد بسبب موقعها المتميز بشارع الجمهورية أمام قصر عابدين، وسعر التذكرة 5 جنيه.

حديقة الأزهر

أكبر وأجمل حديقة في القاهرة الكبرى ومصر كلها، والفيو بتاعها على القاهرة التاريخية والفاطمية يعني هتعيشوا تجربة مميزة، وفيها نافورة مميزة ومطاعم وكافيهات، وسعر التذكرة 40 جنيه.

حديقة العبور

التمشية وسط المساحات الخضراء على النيل هي أساس حديقة العبور في الزمالك، ولو عملتوا ده هيكون اختيار ممتاز، وسعر تذكرة الدخول 20 جنيه.

الحديقة اليابانية

بقلب منطقة حلوان موجود تصميات فريدة ومختلفة للحديقة اليابانية، وهي مناسبة جدًا للخروجات العائلية، وسعر تذكرة الدخول 10 جنيه.

حديقة الفنون

مزيج بين الجمال الطبيعي والفن موجود في حديقة الفنون بالمنيل مع إطلالة كاملة على النيل وكل ده بتذكرة سعرها 10 جنيهات.

حديقة الطفل

لو معاكم أطفال، فحديقة الطفل هتكون الاختيار المثالي، لأنها بتضم ألعاب وأنشطة مناسبة لكل الأعمار، وسعر التذكرة 20 جنيه.

وأخيرًا..

اكتشف أجمل حدائق القاهرة واستمتع بالمساحات الخضراء، الفعاليات المميزة، والأجواء الهادية بعيدًا عن صخب المدينة، سواء كنت مع العائلة أو الأصدقاء، فزيارتك للحدائق هتكون تجربة ممتعة ومليانة استرخاء ومتعة لكل الأعمار.