The Definitive Guide to Living in the Capital , Cairo , Egypt

لو بتدور على تجربة مغامرات حقيقية وسط الجبال، دير سمعان الخراز في المقطم هو المكان اللي لازم تزوره. من ألعاب الـ “High Ropes” على الحبال العالية والزحلقة فوق الجبال، لتسلق الصخور والمشي على الحبال المنخفضة، هتعيش تجربة مليانة إثارة ومتعة وأمان كامل. المكان مناسب لكل عشاق المغامرة اللي عايزين يهربوا من الروتين ويستمتعوا بتحديات ممتعة وآمنة في قلب المقطم.

الدير موجود في منطقة “المقطم” بعد عزبة الزبالين، لما توصل هناك اسأل الأمن عن منطقة ألعاب الـ “High Ropes” اللي بيديرها “ماريو” وخلي بالك إنك لازم تتصل بيه قبل ما تروح علشان تشوفه موجود ولا لأ، وهو كندي الجنسية وعايش في مصر بقاله 25 سنة.

منطقة الألعاب دي كلها حبال في وسط الجبل، وتقدر تتصور فيها وتقعد فيها ببلاش من غير أي رسوم أو مشروبات، وبعدها تقدر تقرر هتلعب ولا لأ، وممكن تختار لعبة من 4 ألعاب أو تلعب كل الألعاب، ومتقلقش هيكون في لبس مخصوص لحمايتك من أي صدمات أو وقعات “Safety” وهو عبارة عن “خوذة – شورت – حزام”.

تعالى نشوف منطقة الألعاب فيها إيه كمان:

Zip Line:

اللعبة دي عبارة عن برج بتطلع عليه وتتربط في حبل، وتتزحلق وانت شايف منطقة المقطم بالكامل حواليك، ولازم تكون ثقتك بنفسك كبيرة علشان تعرف تستمتع، وخلي بالك إن اللعبة ليها توقيت محدد، وهو قبل وقت الغروب، علشان تعرف تستمتع بالمناظر من الجو.

تسلق الصخور:

ودي بقى محتاجة طاقة وفيتنس عالي، علشان بتبذل فيها مجهود بجد، وبتطلع لارتفاع عالي جدًا، علشان تضرب الجرس وتنزل، وطبعًا بتكون متأمن ومربوط علشان لو إيدك فلتت ماتوقعش، وكمان فيه شخص محترف بيكون مربوط معاك علشان عملية التوازن.

الحبال المنخفضة:

هتحس فيها بمتعة إنك تمشي على حبال وجسر، بس لازم تحافظ على توازك، بس في حالة إنك اتزحلقت، متقلقش، هتنزل على حبل تاني يخليك تقدر تكمل المشي على الحبال.

لعبة الإثارة:

لو قررت إنك تروح، وعايز توصل للمكان عن طريق المواصلات، هتركب عربية من السيدة عائشة واطلب من السواق ينزلك “دير سمعان”، وهينزلك في مكان قريب، وبعدها هتاخد توك توك هيوصلك لحد الباب، ومتنساش تروح بلبس رياضي علشان تتحرك براحتك، ولازم تكون 18 سنة لأن أقل من كده لازم يكون معاك ولي أمرك علشان يمضي على اقرار انك سليم صحيًا.

وده رقم تليفون ماريو للحجز: 01555586361.

صفحتهم على الفيسبوك: Cairo Discoveries