The Definitive Guide to Living in the Capital , Cairo , Egypt

عيد الفطر 2026 خلاص وصل، ومع زحمة التحضيرات ولبس العيد، بييجي السؤال المعتاد: “هنخرج فين؟”. علشان كده جمعنا لك في كايرو 360 مجموعة أماكن متنوعة تناسب كل الأذواق والميزانيات، من خروجات العيلة وسط الخضرة والهدوء، لحد المغامرة والألعاب المائية. دليل سريع يساعدك تختار فسحتك وتستمتع بإجازة عيد مختلفة.

فاميلي بارك (الرحاب/طريق السويس) – فسحة العيلة الشاملة

لو بتدور على مكان فيه “كل حاجة” عشان ترضي الصغير والكبير، يبقى فاميلي بارك هي وجهتك الأولى. المكان مش مجرد حديقة، ده مجمع ترفيهي متكامل يجمع بين الثقافة والمرح.

المميزات: حديقة حيوان مصغرة، قطار بيلف الحديقة، سفاري، وفنار بيطل على فيو رائع، بالإضافة لمسارح بتقدم عروض فنية.

العنوان: طريق السويس الصحراوي، بالقرب من مدينتي والرحاب.

التكلفة: تبدأ التذكرة من 30 جنيه للفرد (دخول فقط)، مع وجود باقات متنوعة تشمل الألعاب بأسعار مخفضة.

حديقة الأزهر (صلاح سالم) – رئة القاهرة الساحرة

مفيش عيد بيعدي من غير زيارة لـ حديقة الأزهر، هي مش بس أجمل الحدائق في مصر، دي كمان بتقدم لك بانوراما حية للقاهرة الفاطمية ومآذن القلعة في مشهد خيالي وقت الغروب.

المميزات: مساحات خضراء شاسعة للجري واللعب، مطاعم وكافيهات راقية (مثل مطعم القلعة)، ومنطقة ألعاب مخصصة للأطفال.

المواعيد: من 9 صباحاً حتى 10 مساءً.

التكلفة: 40 جنيه للكبار، و30 جنيه للأطفال.

فيتالي مول (القاهرة الجديدة) – شياكة الخروج والتسوق

للي بيحبوا الأجواء المودرن وصور “الإنستجرام” المميزة، فيتالي مول (Vitali Mall) في التجمع الخامس هو الاختيار المثالي لقضاء يوم العيد وسط البراندات والكافيهات العالمية.

الموقع: القاهرة الجديدة، بالقرب من بوابة 4 للجامعة الأمريكية (AUC).

المميزات: منطقة ألعاب أطفال مؤمنة (Kids Area)، مطاعم بتناسب كل الأذواق، وأماكن تصوير “ديكورات” تخلي ذكريات العيد شكلها شيك.

التكلفة: الدخول مجاني، والمصاريف تعتمد على طلباتك في الكافيهات أو الألعاب.

جولة نيلية (ماسبيرو وممشى أهل مصر) – الراحة النفسية في قلب النيل

النيل في العيد له طعم تاني. سواء كنت عاوز مركب خاص بـ “دي جي” ورقاص أو محتاج جولة هادية تستمتع فيها بالهواء المنعش، الخيارات قدامك كتير.

الأتوبيس النهري: أرخص وأمتع وسيلة (20 جنيه فقط)، وبتحرك من أمام ماسبيرو وممشى أهل مصر.

الفلوكة والمركب: تقدر تركب من المعادي، الدقي، أو جاردن سيتي بأسعار تبدأ من 30 جنيه وتصل لـ 500 جنيه حسب نوع المركب ومدة الرحلة.

نصيحة كايرو 360: جربوا الرحلة وقت الغروب عشان تستمتعوا بأضواء القاهرة الساحرة.

a

أكوا بارك (طريق الإسماعيلية) – جنة الألعاب المائية

لو الجو بدأ يحرر وعاوزين “فرهدة” ممتعة، يبقى مفيش غير أكوا بارك. أكبر مدينة ملاهي مائية في المنطقة بتضمن لك يوم مليان ضحك وحركة.

المميزات: 9 حمامات سباحة، زحاليق عملاقة، وأمواج صناعية، مع وجود شاليهات لو حابب تقضي اليوم بخصوصية.

الموقع: الكيلو 31 طريق مصر – الإسماعيلية الصحراوي (أمام مدينة المستقبل).

التكلفة: 490 جنيه للكبار، و430 جنيه للأطفال (حتى 10 سنوات)، والسعر يشمل الدخول وجميع الألعاب ووجبة غداء.

ملحوظة: بننصحكم دايماً في “كايرو 360” بالتحرك بدري في أيام العيد عشان تتجنبوا الزحمة وتضمنوا مكان مريح ليكم ولعائلتكم، وعيدكم مبارك!