The Definitive Guide to Living in the Capital , Cairo , Egypt

مساء الخير، عودة بكتالوج الخروجات اليومي من أجندتنا لفعاليات القاهرة، يللا بينا نشوف إيه الدنيا.

اللي ماراحش المركز المصري للثقافة والفنون قبل كده لسه فايته كتير، المكان القابع بجوار ضريح سعد زغلول رغم مساحته الصغيرة وتهالكه الواضح بفعل الزمن لسه ليه بهجته الخاصة بروحه الحلوة وطبيعة الحفلات اللي بتقام فيه، النهارده هيستضيف حفل غنائي للمواويل البلدي مع جمالات ورضا شيحة، سعر تذكرة حضور الحفل 30 جنيه، وبداية الحفل في تمام الثامنة مساءً.

أما دار الأوبرا فنازلة في اليوم بنفرين، الأول حفل في المسرح الصغير لعازف الجيتار وحيد ممدوح، البداية 8:00 مساءً، وسعر تذكرة الحضور 35 جنيه.
والثاني هيكون عرض باليه “كسارة البندق” على المسرح الكبير ابتداءً من الساعة 8:00 مساءً، وأسعار التذاكر بتبدأ من 75 جنيه.

ومن قاعة النهر بساقية الصاوي هنكون على معاد مع حفل ترانيم لفرقة “أوصنا”، هيبدأ في تمام السابعة مساءً، وسعر تذكرة حضوره 25 جنيه.

مساء شتوي سعيد، وكل سنة وأنتم طيبين.